Токиогийн Хачижожима арлыг дайрсан хоёр хар салхи 200 орчим байшинг сүйрүүлжээ. Тодруулбал, Халонг хар салхи өнгөрсөн долоо хоногт Хачижожима оршдог Номхон далайн Изү арлыг дайран өнгөрсөн. Хачижо хотын олон байшин эвдэрч сүйдсэн бөгөөд заримынх нь дээвэр нь хуулагджээ. Албаныхан Халонг хар салхинаас үүссэн хохирлын хэмжээг үнэлж байх үед Даваа гаригт (2025.10.13) өөр нэг хар салхи бүс нутгийн Накри хотыг дайрсан аж. Улмаар хохирлын хэмжээг дахин үнэлэх шаардлагатай болсон байна. Гэхдээ Мягмар гаригийн байдлаар 220 орчим оршин суугчийн гэрт хохирол учирсан гэж урьдчилсан дүгнэлт гаргажээ.  Хотын эрх баригчид байгалийн гамшгийн үед тусламж олгохын тулд оршин суугчдад өргөдөл гаргах журмыг эхлүүлсэн байна. Мөн хохирлын судалгааг хурдасгах болно гэж мэдэгджээ. Улмаар хар салхинд нэрвэгсдэд зориулж хотын мэдэлд байдаг орон сууцыг ашиглах талаар хэлэлцэж байна.