Мэргэжлийн зэргийн нэмэгдэл:

• Зөвлөх-20 хувь
• Тэргүүлэх-15 хувь,
• Заах аргач-10 хувь нийт багшийн 58-62 хувь нь авч байна.
• Докторын зэрэг-20 хувь нийт багшийн 0,8 хувь нь авч байна.

Орон нутгийн багш нар :

• Аймгийн төв-20 хувь,
• Сумын төв-40 хувь нийт багшийн 58 хувь нь авч байна.

Энэ нь алслагдсан бүс нутагт багшлах сонирхлыг нэмэгдүүлэх, хүний нөөцийн хомсдолыг бууруулах зорилготой бодлого юм. Гэвч нөгөө талаас Улаанбаатар хот болон томоохон төвийн сургуулиудын багш нар илүү их ачаалалтай ажиллаж байгаа ч орон нутгийн нэмэгдэлд хамрагддаггүй. Хотын багш нарын хувьд нэг анги дахь сурагчдын тоо 40-50-д хүрч, илүү цаг, анги даалт, хичээлийн бэлтгэл зэрэгт зарцуулдаг хугацаа их байхад, цалингийн хувьд харьцангуй бага байгаа нь тэдний зүгээс илэрхийлж буй гол шүүмжлэл юм.

Ур чадварын 5-25 хувийн нэмэгдлийг нийт багшийн 21 хувь, төрийн алба хаасан, ажилласан жил тутамд олгогддог 1 хувийн нэмэгдлийг нийт багш нарын 88 хувь нь авч байна.

Бусад нэмэгдэл:

• Анги даасан- 10 хувь,
• Заах аргын нэгдэл удирдсан- 5 хувь
• Кабинет лаборатори хариуцсан- 5 хувь
• Илүү цаг- 7 хоногт 19 цагаас илүү заасан цагийг "илүү цаг-т тооцдог. Илүү цаг үндсэн цалингийн 1,5 хувиар бодогддог. Тусгай сургууль нэмэгдэлтэй.

Түүнчлэн 2022 оноос хойш нэмэлтээр орж ирсэн гүйцэтгэл, үр дүнгийн урамшууллыг дараах зургаан индекс буюу зэргийг харгалзан олгож байна.

• I индекс /25 хувь/ -947 багш
• II индекс /20 хувь/ -2982 багш
• III индекс /15 хувь/ -3351 багш
• IV индекс /10 хувь/ -5016 багш авсан.
• V.VI индекст -17028 багш шалгагдсан.

Энэхүү нэмэгдлийг 2023-2024 оны хичээлийн жилээс дээд тал нь 50 хувь болгон нэмэгдүүлэх шийдвэр гарсан.

Үүнээс гадна нэг багшид сургалтын үйл ажиллагаанд шаардлагатай зардал болох хичээл практикийн зардалд 300-400 мянган төгрөг, мэдээлэл технологийн зардалд, 150-250 мянган төгрөг, багшийн хөгжлийн зардалд 185-280 мянган төгрөг, эрүүл мэндийг дэмжих зардалд 100 мянган төгрөг олгодог байна.