Өнөөдөр /2025.10.14/ болох үйл явдлын хураангуйг хүргэж байна. 

09:00 цагт: Монголын мэргэшсэн нягтлан бодогчдын институтээс дэлхийн ёс зүйн өдрийг тохиолдуулан Нягтлан бодох бүртгэлээр суралцаж буй бакалаврын түвшний оюутнуудад зориулсан ёс зүйн өдөрлөг ММНБИ-д болно.

10:00 цагт: “Хэвлэл мэдээллийн эрх чөлөөний тухай хуулийн төслийн нэр томъёо” хэлэлцүүлэг Пума империал зочид буудлын их танхимд болно.

10:00 цагт: Сүхбаатар дүүргийн 6-р хорооноос ажил хайгч иргэд, аж ахуйн нэгж байгууллагуудыг холбон зуучлах зорилготой “Хөдөлмөрийн өдөрлөг” СБД-ийн 6-р хороо, Иргэний танхимд болно.

10:00 цагт: "Монгол Улсын 2026 оны төсвийн тухай хуультай хамт өргөн мэдүүлсэн хууль, тогтоолын төслүүд” сэдэвт хэлэлцүүлэг Нээлттэй нийгэм форум дээр болно.

11:00 цагт: Боловсролын салбарын ажил хаялттай холбоотой асуудлаар МБШУҮЭХ-ноос мэдэгдэл хийнэ.

13:00 цагт: Уран бүтээлч Д.Бадам “Сэцлэл” уран бүтээлийн үзэсгэлэнгийн нээлт Монголын уран зургийн галерейд болно.

14:00 цагт: БНХАУ-ын Жэжян мужийн Нинбо хотын Хилийн чанад дахь худалдааны танхим болон бизнес эрхлэгчдийн төлөөлөл хамтран бизнес эрхлэгчдийн уулзалт МҮХАҮТ-ын их танхимд болно.

14:30 цагт: Монгол-Чехийн бизнес эрхлэгчдийн форум МҮХАҮТ-д болно.

-УИХ-ын Байнгын хороодын хуралдаан болно.

-Стандарт хэмжил зүйн ажилтны өдөр тохиож байна.