УИХ-ын Төрийн байгуулалтын байнгын хорооны (ТББХ) Баасан гаригийн (2025.10.10) хуралдаанаар Ерөнхий сайд Г.Занданшатарыг огцруулах саналыг хэлэлцсэн ч аравдугаар сарын 13-нд буюу Даваа гаригийн 11:00 цагаас үргэлжлүүлэхээр завсарлага авсан.

Атал Монгол Улсын Их Хурлын Тамгын газраас гаргасан парламентаар хэлэлцэх асуудлын жагсаалтад уг асуудлыг тусгаагүй байгааг УИХ-ын гишүүн Ч.Лодойсамбуу өөрийн цахим хуудаснаа нийтэлжээ.

Үндсэн хуульд зааснаар Ерөнхий сайдыг огцруулах саналыг УИХ-д өргөн барьснаас гурван хоногийн дараа хэлэлцэж эхлэн 10 хоногийн дотор шийдвэрлэнэ гэсэн заалттай.

Засахгүй бол Үндсэн хуулийн 29.3 дахь заалтаар шийдвэр гаргасан УИХ даргыг УИХ-ын гишүүнээс эгүүлэн татах үндэслэл болох аж. Тэгвэл ТББХ-ын ирэх долоо хоногийн товд Ерөнхий сайд асан, УИХ-ын гишүүн Л. Оюун-Эрдэнийн Ухаа худгийн асуудлыг хянан шалгах түр хорооны хурал товлогджээ.

Үүнийг олон нийтээс “Нүүрсний мафи төр дэх эрх мэдлээ алдахгүйн тулд Үндсэн хууль зөрчихөд хүрч байна” гэж шүүмжилж буй. Ямар байсан гишүүдийн шүүмжлэлээс айсан уу УИХ-ын Тамгын газар уг асуудлыг ТББХ-гоор Даваа гаригт хэлэлцэхээр засвар оруулсан парламентаар Пүрэв гаригт хэлэлцэхээр товложээ. Улсын төсөв ид хэлэлцэх цагаар Ерөнхий сайдын асуудлыг шуурхайлахыг иргэд шаардаж байгаа юм.