Энэ оны гуравдугаар сарын 18-ны өдөр Монгол улсын Засгийн Газрын ордонд Тамхины хяналтын тухай хуулийн нэмэлт өөрчлөлтийн ажлын хэсэгт ДЭМБ-ын зүгээс бодлогын зөвлөмж танилцуулжээ.

Уг уулзалтаар танилцуулагдсан янжуур тамхи болон шинэ тутам үүссэн гэх электрон тамхи зэрэгт хэрхэн татвар ногдуулах тухай бодлогын зөвлөмжид 2026 оноос эхлэн 100 ширхэг янжуур тамхи тутамд 10,000 төгрөг онцгой албан татвар ногдуулах, 1мл электрон тамхины шингэнд 87 төгрөг ногдуулах буюу 2030 он хүртэл үе шаттайгаар өгсөснөөр бүх төрлийн тамхин бүтээгдэхүүний хэрэглээг 15% хүртэл бууруулах зэрэг саналууд дурдагджээ.

Харин О.Номинчимэг ахлагчтай ажлын хэсэг Тамхины хяналтын тухай хуулийн нэмэлт өөрчлөлтийн төслөө танилцуулахдаа 1 хайрцаг янжуур тамхинд 2000 төгрөг буюу ДЭМБ-ын зөвлөмжийн дагуу тогтоосон бол , 1мл электрон тамхины шингэнд 1000 төгрөг буюу 11 дахин өндөр дүн ногдуулжээ.

Зах зээл дээрх худалдааны үнэ 1 хайрцаг янжуур тамхи дунджаар 4500 төгрөг байдаг. Харин электрон тамхины шингэн агуулсан под 15,000 төгрөг байна. Хэрэв үнийн зөрүү хэт өндөр болбол хямд үнэтэй янжуур тамхируу түлхэх эрсдлээс сэргийлсэн бодлого дэлхийн улсуудад хэрэгждэг ба Монгол улсад эсрэгээрээ хэрэгжүүлэх төсөл одоо өргөн баригдсан байгаа билээ.