-Бид гурван долоо хоногийн өмнө Гашуунсухайт-Ганцмод хил дамнасан төмөр зам буюу нүүрс худалдан авах Харбины гэрээний асуудлаар хянан шалгах түр хороо байгуулах ажлыг санаачлан ажиллаж байна. Хуулийн дагуу 32-оос доошгүй гишүүд гарын үсэг зурсан байх ёстой бөгөөд энэ тоондоо хангалттай хүрсэн. Энэ хугацаанд маш их үйл явдал өрнөлөө. Хяналтын сонсголыг хийлгэхгүйн тулд гадна дотноос УИХ-ын гишүүд утасдаж, уулзаж, янз бүрийн юм амласан. Гэвч олон шударга байж, ард түмнийг мэдэх хангах ажилд нэгдсэн байна. Засгийн газраас нууцад байсан бүх гэрээ хэлэлцээрийг ил тод болгох шийдвэрийг гаргалаа. Монгол Улсын эдийн засаг уул уурхайн бүтээгдэхүүнээс шууд хамаардаг. Тэрний гол хэсэг нь нүүрс юм. Удахгүй УИХ-ын Тамгын газарт албан бичгээ өргөн барьж, энэ ондоо багтан сонсгол хийхээр тооцоолж байна. Засч залруулах бүрэн боломжтой гэж харж байна.

-Бид хуулийн дагуу бүх бичиг баримтаа бүрдүүлсэн. Удахгүй УИХ-д өргөн барина. Энэ хугацаанд багагүй асуудал тулгарсан. Гарын үсэг зурж, дэмжих гэж байгаа УИХ-ын гишүүд рүү гар утас руу нь залгаж, янз бүрийн дарамт үзүүлж байлаа. Хэрвээ ямар нэгэн асуудалгүй, ард түмний төлөө энэ гэрээний нөхцөлүүд хийгдсэн байсан бол энэ гэрээгээ нууцлах шаардлагагүй байсан. Эсрэгээрээ энэ ажлаараа бахархаж, ард түмэндээ танилцуулах байсан. Харамсалтай нь хянан шалгах түр хороог байгуулахгүй байх сонирхолтой байлаа. Үндсэн хуулиараа байгалийн баялаг ард түмний өмч гэж заасан. Ард түмэн энэ талаар мэдэх эрхтэй. Энэ байгалийн баялгийг хэдэн төгрөгөөр хэрхэн худалдах болсон талаар мэдэх ёстой.

Тийм учраас бид бүх зүйл нь ил тод гэдэг утгаараа гэрээ хэлэлцээрүүдтэй танилцаж, холбогдох шинжээч нартай хамтран ажиллах бүрэн боломжтой болсон гэж харж байна. Хамгийн гол нь эхлээд нөхцөлийг тохирохдоо биржийн үнээр нүүрс худалдан авахад бэлэн байна, гагцхүү тавхан хувийг хямдруулаач ээ гэж айлын тал хүссэн. Тэрийг нь Монголын тал хүлээн зөвшөөрч, биржийн үнэ 10 ам.доллар байхад 95 ам.доллараар нүүрснээ зарах боломжтой байсныг хэзээд нь 50 ам.доллар болж буурсан асуудлын хариултыг олох ёстой. Бид энэ үнийг нэмүүлэх чиглэлийг Засгийн газарт хүргүүлнэ. Магадгүй 55 ам.доллар гэж тохирсныг 65 ам.доллар буюу нэг тонн тутамд 10 ам.доллар нэмж, нийт 250 сая тонн гэдэг чинь 2.5 тэрбум ам.долларын ашгийг олж болно. Манай улсын төсвийн гуравны нэгтэй тэнцэх 10 их наяд төгрөгийг дахин хэлэлцээрээ өөрчилж, гадаа жагсаж буй багш, эмч нарын цалинг нэмэх бүрэн боломжтой. Одоо 36 гэрэээ ил болсон ч Харбины гэрээ хэлэлцээр ил болоогүй байна. Одоогийн байдлаар чиглэл өгсөн, "Эрдэнэс Тавантолгой" ХК албан ёсоор ил гаргаагүй байна. Магадгүй  ирэх Даваа гаригаас ил тод болгоно гэж найдаж байна. Шинэ тутам байгуулсан гэрээ учраас яаралтай засч залруулах шаардлагатай. УИХ-ын гишүүн Л.Оюун-Эрдэнэ Ухаа худаг ордын асуудлаар түр хороо байгуулах хүсэлтийг УИХ-ын даргад өгсөн байх магадлалтай юм билээ. Миний бие энэ хянан шалгах түр хороонд ормоор байгаа ч надад ийм хүсэлт ирээгүй. Жагсаалыг булаадаг болсон шиг хянан шалгах түр хороог бас булаах гээд байгаа юм уу. Давхцаж түр хороо байгуулах санаачлага гаргаж байна. Бид энэ санаачлагыг дэмжиж байна гэв.