Цахим спортын "CS2" төрлийн томоохон тэмцээнүүдийн нэг болох "ESL Pro League"-ийн 22 дахь улирал үргэлжилж байна. Өчигдөр/2025.10.08/ тэмцээний хоёрдугаар шатны тоглолтууд өндөрлөж, плей-оффд өрсөлдөх багууд тодорлоо.

Энэ онд оролцсон тэмцээн бүртээ л бараг дор хаяж хагас шигшээд шалгарч, тайзнаас буугаагүй "The MongolZ" баг өчигдөр Украины "NaVi"-д хожигдсоноор тэмцээнээс хасагдав. Саяхан дэлхийн чансааг тэргүүлж, гурван тэмцээний гранд финалд дараалан тоглоод байсан "bLitz"-ийн залуус Шведэд тааруу тоглосон.

Хоёрдугаар шатнаас аяллаа эхлүүлсэн "The MongolZ" баг эхний хоёр тоглолтдоо дараалан хожигдсон ч хасагдах аюултай хоёр тоглолтод хожин 2-2 гэсэн амжилттай болсон. Ийнхүү 2-2 гэсэн амжилттай хоёр баг учраа таарахад Украины баг илүүрхжээ. Тэд 2-0 гэсэн харьцаатай ялалт байгуулж, плей-оффд өрсөлдөхөөр болжээ.

"The MongolZ" багийнхны хувьд бэлтгэл тааруу байгаа гэдгээ хэлсэн. Тэд тэмцээн эхлэхээс өмнө гэр бүлийнхэнтэйгээ цагийг өнгөрүүлж, багаараа бэлтгэл хийгээгүй гэнэ. Тоглолтын дараа "Techno" ярихдаа "Бид илүү их бэлтгэл хийх хэрэгтэй байна" гэжээ.

Харин "NaVi"-ийн мэргэн бууч "w0nderful" тоглолтын дараа ярихдаа "Nuke үнэхээр амархан байлаа. Би өөрийгөө ингэж тоглоно гэж бодоогүй. Амархан байлаа. Гайхлаа. Хүссэн бүхнээ л хийж байлаа" гэв.

"The MongolZ" багийн тэмцээн нь аравдугаар сарын 15-нд Мальтад эхлэх "Thunderpick World Championship 2025″.