Европын комиссын ерөнхийлөгч Урсула фон дер Лейен энэ долоо хоногт итгэл үзүүлэх эсэх санал хураалттай тулгарав. Нийт гишүүдийн гуравны хоёроос илүү хувь нь хүлээн зөвшөөрч байж түүнийг албан тушаалаас огцруулах ёстой ч тэдний хүссэнээр болсонгүй. Урсула фон дер Лейен ерөнхийлөгчийн суудалдаа хэвээр үлдэв. Ердөө гурван өмнө Европын парламентын гишүүд ижил санал хураалт явуулсан билээ.

Дайснууд аливаа хуваагдлыг ашиглахад бэлэн байгаа тул эв нэгдлийг эрхэмлэх хэрэгтэйг Урсула фон дер Лейен энэ үеэр онцолжээ. Тэрбээр "Нэгдмэл байдал гэдэг нь нарийн ширийн бүх зүйл дээр санал нийлэхийг хэлэхгүй. Яг үнэндээ аливаа хурцадмал байдал, мэтгэлцээн нь бодлого боловсруулахад зайлшгүй шаардлагатай зүйл юм. Энэ удаад том зургаар нь харвал өмнөхөөсөө ч илүү өргөн агуулгыг илэрхийлж байна" гэв.

Мөн тэрбээр Оросын нисгэгчгүй онгоцнууд сүүлийн үед холбоотнуудын агаарын хилийг зөрчих болсныг онцоллоо. Путин энэ үйлдлээрээ Украин дахь дайныг дамжруулж байна гэв. "Энэ бол аль эртний арга заль. Хагалан бутаргаж, худал мэдээлэл тарааж, гэмт хэрэг үйлдэх. Эдгээр нь Европыг хагаралдуулах, хамгаалалтыг сулруулах зорилготой арга. Энэ бол урхи. Бид үүнд нь унаж болохгүй" гэж Урсула фон дер Лейен хэллээ.