АНУ-ын тусгаар тогтнолын 250 жилийн ойг тохиолдуулан тус улсын Сангийн яамнаас Трампын дүртэй нэг ам.долларын зоос үйлдвэрлэхээр төлөвлөж байна. Тус зоос дээр "Fight, fight, fight" гэж бичсэн байх аж. Харин нөгөө талд нь “Liberty”, “In God we Trust”, “1776-2026” гэсэн үгсийг бичсэн байна.

Трамп Пенсильван мужид ерөнхийлөгчийн сонгуулийн кампанит ажлаар явж байхдаа амь насыг нь хөнөөхийг завдсан халдлагад өртсөн. Халдлагын дараа тэр шууд "Fight, fight, fight" гэж үгийг хэлсэн билээ.

Трамп 2020 онд анхны бүрэн эрхийн хугацаа нь дуусах үеэр 2026 онд АНУ-ын тусгаар тогтнолын 250 жилийн ойг бэлгэдсэн 1 ам.долларын зоос гаргах тушаал гаргажээ. Уг шийдвэр нь хоёр намын дэмжлэгтэйгээр батлагдсан аж.