МАН-ын Бага хурлын VIII хуралдаанаас 85.67 хувийн саналаар МАН-ын даргаар сонгогдсон Д.Амарбаясгаланд улс төрийн намын удирдлагууд баяр хүргэж, амжилт хүссээр байна.

Түүнчлэн Бага хурлын процесстой холбоотойгоор үүсээд буй маргааныг хүлээн зөвшөөрөхгүй гэдгээ илэрхийлж, МАН-ын төдийгүй Бага хурлын гишүүдийн сонголтод хүндэтгэлтэй хандахыг хүсэхийн зэрэгцээ ялагдсан талынхныг намынхаа зарчим, үнэт зүйл, нэр хүндэд халдахгүй байхыг ч шаардаж эхэллээ.

УИХ-ын дарга Д.Амарбаясгалангийн хувьд МАН-ын даргаар сонгогдоод хэдхэн цаг өнгөрч байгаа ч ийнхүү намын нөхөд, нийгэм, олон нийтийн дэмжлэг өндөр байна. Түүний хувьд намынхаа нөхдөд төдийгүй, бусад улс төрийн хүчин, олон нийтэд хэдийнэ хүлээн зөвшөөрөгдсөн улстөрч гэдгийг бэлхнээ харж болохоор байна.

Улс төрд легитм чанар маш чухал. Тэгвэл Д.Амарбаясгалангийн кареер, легитм чанарыг эндээс харж болох юм.

ХҮН намын дарга Т.Доржханд: МАН-ын даргын сонгуульд намын гишүүдийнхээ итгэл, дэмжлэгийг хүлээн ялалт байгуулсан танд баяр хүргэе.

ИЗНН-ын дарга Б.Батбаатар: УИХ-ын дарга Д.Амарбаясгалан танд баяр хүргэж, ажлын амжилт хүсье

БНН-ын дарга Б.Жаргалсайхан: Монголын хамгийн олон гишүүнтэй, институцийн туршлагатай намыг удирдахаар болсон Д.Амарбаясгалан танд төрийн уламжлалыг дээдэлж, ард түмний итгэлийг өргөх үйл хэрэгт нь баяр хүргэж, амжилт хүсье