Гималайн Ладак мужид жагсагчид болон Энэтхэгийн аюулгүй байдлын хүчний хооронд мөргөлдөөн болжээ. Улмаар дөрвөн хүн амиа алдаж, 50 гаруй хүн шархадсан байна. Жагсагчид Энэтхэгийн засгийн газраас холбооны улс байгуулахыг шаардаж байв. Лех хотын гудамжинд Лхагва гаригт (2025.09.24) олон зуун хүн жагсчээ. Зарим нь цагдаа нар руу чулуу шидэж, зарим нь Энэтхэгийн эрх баригч Бхаратия Жаната намын орон нутгийн байрыг шатаасан байна. Үүний хариуд цагдаа нар нулимс асгаруулагч хий ашигласан байна. Энэтхэгийн аюулгүй байдлын албаныхан тус хотод хөл хорио тогтоогоод байгаа бөгөөд дахин эсэргүүцлийн жагсаал гараагүй байна.

Ладак нь Кашмирын бүс нутгийн Энэтхэгийн хяналтад байдаг хэсэг бөгөөд Хятадтай газар нутгийн маргаантай байдаг. Энэ нь өмнө нь Жамму ба Кашмирын нэг хэсэг байсан. Гэвч 2019 онд Ерөнхий сайд Нарендра Моди Ладак мужийг бусад мужаас тусгаарлаж, төв засгийн газрын шууд хяналтад оруулсан байдаг.