Авлига, албан тушаалын хэрэгт холбогдсон Л.Оюун-Эрдэнэд УИХ-аас итгэл үзүүлэхийг дэмжихгүй гэснээр тэрбээр Гүйцэтгэх засаглалын суудлаасаа огцорсон. Харин МАН-ын Бага хурлаасаа олонхын дэмжлэг авсан Г.Занданшатарыг Ерөнхий сайдаар томилохыг УИХ-ын 92 хувь нь дэмжсэн юм.

Тэгвэл өнөөдөр Г.Занданшатарын 100 хоног тохиож байна. Тэрбээр албан ёсны цэнхэр тэмдэгтэй нүүр номоороо дамжуулан "Өнөөдөр Засгийн газрын 100 дахь өдөр. Хийх ажил, хуримтлагдсан асуудал ч их байна. Хамгийн сайн улс төр бол хийсэн ажил, шийдсэн асуудал, үр дүн гэдэг. Эдийн засгийн хүндрэл хямрал болж даамжрах аюулыг бид зогсоож, эдийн засгаа сэргээж чадлаа. Төмөртэйн овоо, Төгрөг нуурын ордуудаар Баялгийн санг арвижуулж эхэллээ. Урдах ажилдаа анхаараад удаа дараа мэдэгдэл хийх цаг ч, сонирхол ч байгаагүйг эрхэм журмын нөхөд маань ойлгоно гэдэгт итгэж байна. Худал, хулгай, хуйвалдааны замаар зорилгодоо хүрэх нь миний зарчим биш. Албан тушаалын төлөө журмын нөхдөө гүтгэж, хэлээгүйг хэлсэн мэт, хийгээгүйг хийсэн мэт ярьж, УИХ, Засгийн газар, нийгмээ, намаа талцуулж байгаа нь төрийн хүнд байх ёс зүй, мөн чанар огтхон ч биш ээ. Хийсэн ажилтай, хэлэх үгтэй очно.