Өмнөд Солонгосын LG Electronics компани энэ ондоо багтааж, “Optimus” хэмээх нэртэй хос цөмт смартфон гаргах болсноо зарлалаа. Optimus смартфон нь NVIDIA-гийн Tegra 2 хос цөмт процессортой бөгөөд тодруулбал, 1GHz хоёр чиптэй байх ажээ. Ингэснээр 1GHz дан цөмт процессортой харьцуулахад вэб браузерийн ажиллагаа хоёр дахин хурдан, тоглоом тоглоход тав дахин хурдан байх гэнэ.
Tegra 2-ыг NVIDIA компани энэ оны эхээр, нэгдүгээр сард танилцуулсан бөгөөд өдгөө таблет компьютерт ашиглаж байгаа юм. Tegra 2 нь Cortex A9 хоёр чиптэй, мөн NVIDIA GeForce GPU-тэй ажээ.
С.Цэлмэг