Хэрэв түүнийг зогсоохгүй бол Владимир Путин дайныг улам өргөн цар хүрээтэй болгоно гэж Украины ерөнхийлөгч Зеленский анхаарууллаа. Тэрбээр өнөөдөр (2025.09.25) НҮБ-ын Ерөнхий ассамблейн индэр дээр үг хэлэхдээ, “Бид одоо хүн төрөлхтний түүхэн дэх хамгийн хор хөнөөлтэй зэвсгийн уралдааныг туулж байна. Хэн амьд үлдэхийг зэвсэг л шийддэг" гэж мэдэгдэж, олон улсын хамтын ажиллагааг чангатгахыг уриалсан байна. Тэр дундаа хиймэл оюун ухаан болон батлан хамгаалах технологийн эсрэг эвтэй байж, дайныг зогсоох ёстой гэж мэдэгджээ.

Зеленский өөрөө удирдлагатай дрон, хиймэл оюун ухаанаар ажилладаг зэвсэг нь улам бүр аюултай болж буйг анхааруулж, дайн тулаанд ийм технологийг ашиглахад хяналт тавигдаг олон улсын дүрмийг бий болгохыг уриалжээ.

Зеленский мөн олон улсын байгууллагуудад шүүмжлэлтэй хандаж буйгаа илэрхийлсэн. Тэрбээр дайнаас Украин зэрэг улс орнуудыг хамгаалахад олон улсын эвслүүд хэтэрхий сул байна гэж үзэж буйгаа мэдэгдсэн байна. Хэдийгээр Зеленский НАТО-г шууд утгаар дурдаагүй ч цэргийн эвслийн нэг хэсэг байх нь аюулгүй байдлыг бүрэн хангахгүй гэдгийг онцолжээ. Тиймээс Оросыг одоо л зогсоохгүй бол цаашид дайн улам даамжирч, зардал ихсэж, Европын орнуудад аюул заналхийлнэ гэж мэдэгдсэн байна. Ялангуяа, ирээдүйд цөмийн зэвсгийг нисгэгчгүй онгоцоор тээвэрлэх эрсдэлтэйг тэрбээр анхааруулжээ.

Зеленский хэлэхдээ, "Оросыг одоо зогсоох нь цөмийн цэнэгт хошуутай энгийн нисгэгчгүй онгоцыг хэн бүтээх вэ гэж бодож эхлэхээс хамаагүй хямд юм" гэж мэдэгдсэн байна.

Зеленский мөн Молдавын тусгаар тогтнолд Орос улс заналхийлж байгаа гэх асуудлыг хөндсөн байна. Молдав нь Украин, Румины голд орших улс бөгөөд 30 гаруй жилийн өмнө Зөвлөлтөөс гарсан. Молдавын ерөнхийлөгч Майя Санду Кремлийг тус улсын асуудалд хөндлөнгөөс нөлөөлөхийг оролдож байна гэж удаа дараа мэдэгдсэн байдаг. Энэ талаар Зеленский хэлэхдээ, барууны холбоотнууд Молдавыг Оросыг нөлөөллөөс хамгаалах ёстой гэж мэдэгдсэн бөгөөд Гүрж, Беларусыг Москвагаас хамгаалж чадаагүй шиг алдаа гаргахгүй байх хэрэгтэй гэж уриалжээ. Хэрэв Орос нөлөөгөө тэлсээр байвар НАТО-гийн орнуудад тогтворгүй байдал үүснэ гэж Зеленский илтгэлийн төгсгөлдөө мэдэгджээ.