Украины ерөнхийлөгч Зеленский энэ долоо хоногт НҮБ-ын Ерөнхий ассамблейн 80 дугаар чуулга уулзалтад үг хэлнэ. Энэ үеэр тэр АНУ-ын ерөнхийлөгч Дональд Трамптай уулзахын зэрэгцээ холбоотнуудаас илүү их тусламж хүсэх юм. Гэхдээ бодит байдал дээрээ Украин НҮБ-ын чуулганаас тийм ч их зүйл хүлээхгүй байна. Эсрэгээрээ дайны шинэ үед чимээгүйхэн бэлдэж байна.

Трампын засаг захиргаа Оросын эсрэг дорвитой хориг арга хэмжээ авах болов уу гэсэн итгэл найдвар аажмаар бүдгэрэх болсон. Иймд украинчууд дайн дуусна гэдэгт итгэхгүй байна. Украины Олон улсын социологийн хүрээлэнгийн тэргүүн Антон Грушецкийн мэдээлснээр, украинчуудын ердөө 18 хувь нь л дайн дуусна гэдэгт итгэж байгаа аж.

Зеленский Ерөнхий ассамблейн индрээс үг хэлэхийнхээ өмнө Трампаас шинэ хориг арга хэмжээний талаар ам асуух төлөвтэй байна.

Украины Гадаад хэргийн дэд сайд Сергий Кислицц "Нью-Йоркод болох арга хэмжээ бол байх ёстой маш чухал газар. Уулзалт илүү ашигтай байгаасай гэж бич хүсч байна. Гэхдээ ийм хэмжээний зөрчилдөөнийг тийм амархан шийдэх боломжгүй. Тиймээс бид Нью-Йоркоос хялбар шийдэлтэй эргэн ирнэ гэдэгт итгэлгүй байна" гэсэн юм.

Дашрамд дурдахад, Украин улс Орост эзлэгдсэн Крымийн хойгийн асуудлаар дээд хэмжээний уулзалт зохион байгуулах төлөвлөгөөтэй байна. Энэ нь Крымийг Оросын нутаг дэвсгэр гэж хүлээн зөвшөөрөх хэлэлцээрийг хойшлуулах зорилготой.