Японы ерөнхий сайд Ишиба Шигеру НҮБ-ын Аюулгүйн зөвлөлийг шинэчлэх шаардлагатай байгааг НҮБ-ын Ерөнхий Ассамблейн чуулганаар онцлон тэмдэглэхийг зорьж байна. Ишиба Мягмар гаригт (2025.09.23) Нью-Йоркт айлчлахаар төлөвлөж байгаа бөгөөд энэ жил 80 жилийн ойгоо тэмдэглэж буй тус олон улсын байгууллагын үйл ажиллагаа доголдсоныг онцлох болно. Жишээ болгон Аюулгүйн зөвлөлийн байнгын гишүүн ОХУ-ын Украин руу түрэмгийлснийг тэрбээр дурдах юм. Мөн Ишиба зөвлөлийн байнгын гишүүдэд олгогдсон хориглох эрх нь томоохон гүрнүүдийн хоорондын мөргөлдөөнийг таслан зогсоох хамгаалалт болох үүрэг гүйцэтгэх боломжгүй болсон гэж мэдэгдэх төлөвтэй байна.

Тэрбээр Аюулгүйн зөвлөлийн суудлын тоог нэмэгдүүлэх зэрэг шинэчлэл хийх шаардлагатай байгааг онцлон тэмдэглэхийг зорьж байна. Мөн Ойрхи Дорнодын нөхцөл байдлын талаар Ишиба дурдаж, Газын зурвас дахь Израилийн хуурай замын ажиллагааг буруутгахаар төлөвлөж байна. Япон улс Палестиныг улс гэж хүлээн зөвшөөрөх эсэх нь "хэрэв" биш, "хэзээ" гэсэн асуудал гэдгийг тэрбээр тайлбарлах болно.