Хойд Солонгос улс Оросын дайныг дэмжих зорилгоор 10 тэрбум ам.долларын зэвсэг болон цэрэг илгээсэн. Гэсэн ч хариуд нь Пёньян харьцангуй бага зүйл авсан гэдгийг Фридрих Науманы Эрх чөлөөний сангийн Солонгос дахь төлөөлөгчийн газрын захиалгаар гаргасан тайланд дурджээ. Хоёр улс цэргийн хамтын ажиллагаагаа эрчимжүүлсэн ч гэлээ тэгш бус түншлэлийн шинж тэмдэг илэрч байгаа аж.

Нарийн хэлбэл, Хойд Солонгос улс 2023 оноос хойш 9.8 тэрбум ам.доллараар үнэлэгдэх зэвсэг, сум болон цэргийг ОХУ-д илгээжээ. Энэ нь тус улсын жилийн эдийн засгийн гарцын гуравны нэгээс илүү гарах хэмжээ юм.

Гэтэл ОХУ-аас Хойд Солонгост өгсөн зүйлийн хэмжээг дээд тал нь 1.2 тэрбум ам.доллар гэж тооцоолжээ. Үүнд голчлон хүнс, газрын тос, цөөн тооны агаарын довтолгооноос хамгаалах систем, "GPS" саатуулагч, магадгүй сөнөөгч онгоц багтсан байна. Энд онцлууштай нь, ОХУ сайн түншийнхээ технологийн шинэчлэлд шууд үүрэг гүйцэтгэсэн гэх ямар нэгэн нотолгоо байхгүй гэж тус тайланд дурджээ. Энэхүү тэгш бус харьцаатай түншлэлийн үр дүнд Хойд Солонгосын эдийн засаг хүнд байдалд хэвээр байна.

Гэхдээ хоёр талын харилцаа хурдацтай өргөжиж буй нь дайны дараа талууд хамтран ажиллах магадлал мэдэгдэхүйц өндөр байгааг илтгэх юм.