Талибаны засгийн газар хүний эрх, бэлгийн дарамтын тухай сургахыг хориглосны хүрээнд Афганистаны их, дээд сургуулийн сургалтын системээс эмэгтэй зохиолчдын бичсэн ном, өгүүллэг зэргийг хасчээ."Химийн лабораторийн аюулгүй байдал" зэрэг гарчигтай эмэгтэйчүүдийн зохиосон 140 орчим ном болон "санаа зовоосон" гэх 680 номыг хориглосон байна.

Түүнчлэн Талибаны албаны хүний хэлснээр, зарим ном, сурах бичгийг хассанаар их сургуулиудад 18 хичээл хасагдаж байна.

Учир нь эдгээр хичээл нь Талибаны зарчим, системийн бодлоготой зөрчилдөж байна гэж онцлон тэмдэглэжээ. Энэхүү арга хэмжээ нь дөрвөн жилийн өмнө засгийн эрхэнд гарсан Талибаны тогтоосон хэд хэдэн хязгаарлалтын хамгийн сүүлийнх нь болж байна. Үүнээс гадна, энэ долоо хоногт л гэхэд талибуудын дээд удирдагчийн тушаалаар дор хаяж 10 мужид шилэн кабелийн интернэтийг хориглосон байна. Энэ нь ёс суртахуунгүй байдлаас урьдчилан сэргийлэх зорилготой гэж албаны хүмүүс мэдэгдэв.