ОХУ-ын Холбооны аюулгүй байдлын алба Лхагва гаригт өмнөд хэсгийн Астрахань хотод Африк гаралтай эрэгтэйг Украины талд тагнуул хийсэн хэргээр баривчилсан байна. ХАБА-ны мэдэгдсэнээр, тухайн эрэгтэй Хойд Африкийн иргэн бөгөөд гадаадын оршин суугчийн бүртгэлтэй. Мөн тэрбээр Астраханд амьдарч байх хугацаандаа Украины тагнуулын ажилтнуудтай цахимаар холбогдож, хотын ойролцоох цэргийн байгууламж болон чухал дэд бүтцийн талаар мэдээлэл дамжуулж, Оросын эсрэг ашиглах боломжоор туслалцаа үзүүлж байсан гэж мэдэгджээ.

Хэрэв тагнуул хийж байсан нь тогтоогдвол хамгийн дээд талдаа 20 жилийн хорих ялаар шийтгэх юм.

ОХУ-ын төрийн мэдээллийн агентлагуудын нийтэлсэн видео бичлэгт баг зүүсэн ХАБА-ын ажилтнууд африк эрэгтэйг засгийн газрын ордон руу дагалдан явж буйг харуулсан байна. Тухайн эрэгтэйн нүүр царайг далдалсан байв. Одоогийн байдлаар тухайн эрэгтэй хэргээ хүлээн зөвшөөрсөн болон тус улсын албан тушаалтан түүнд тусалж байсан эсэх нь тодорхойгүй байна. Украины тал энэ хэрэгтэй холбоотой ямар ч мэдэгдэл гаргаагүй байна. ХАБА мөн Украины тагнуулууд "WhatsApp", "Telegram" зэрэг платформ ашиглаж, Оросын төлөөлөгчдийг тагнуулаа болгох гэж хичээж байна гэж мэдэгдэлдээ онцлон тэмдэглэжээ.