Авлигатай тэмцэх газар /АТГ/ нь өнгөрсөн долоо хоногт МАН-ын нарийн бичгийн дарга Ц.Чулуунзагд нарын нэр бүхий албан тушаалтнуудыг саатуулан шалгаж эхэлсэн. Энэ талаар АТГ-ын Олон нийттэй харилцах ажилтан, комиссар Б.Билэгтээс тодрууллаа.

Тэрбээр “АТГ нь Орчны бохирдлыг бууруулах үндэсний хороо, “Тавантолгой түлш” компанийн албан тушаалтнуудад холбогдох хэргийг 2023 оны нэгдүгээр сард нээж шалгаж эхэлсэн байдаг. Уг хэрэг дээр арилжааны гэрээг хууль бусаар байгуулж, хахууль авсан гэх гэмт хэрэгт Ч нарын албан тушаалтныг холбогдуулан шалгаж байгаа.

Өмнөх долоо хоногт иргэн Ч-ийн гэр, албан тасалгаанд шалгалт хийх явцад гэмт хэргийн ул мөр олдсон. Тухайн сэжигтнийг хойшлуулшгүйгээр 48 цагийн хугацаатай саатуулсан. Есдүгээр сарын 12-нд шүүхээс 30 хоног цагдан хорих шийдвэр гаргасан.  Энэ хэргийг 2023 оны нэгдүгээр сараас эхлэн шалгаж байсан. Хэргийг шалгах явцад явцад тухайн компанийн захирал асны ар гэрээс АТГ-т гомдол гаргасан. Уг гомдлын дагуу Ч -ын гэр болон албан тасалгаанд нэгжлэг хийхэд тухайн компанийн захирлаар ажиллаж байгаад нас барсан Х-ийн гарын үсэгтэй дардас олдсон нь үнэн.

АТГ хэн нэгэн албан тушаалтнаас хамараалгүйгээр үйл ажиллагаа явуулах төрийн тусгай алба юм.  Хэрэг шалгаж байх хугацаанд тухайн иргэний ар гэрээс гомдол ирсний дагуу энэ хэргийг шалгаж байсан" гэлээ.