3,593.62
“АIDent” шүдний сойзны брэнд нь улсдаа ганц үнэ төлбөргүй үзлэг оношилгоо, эмчилгээ хийдэг нийслэлийн Шүд эрүү, нүүрний төвийн нийгмийн эрүүл мэндийн урьдчилан сэргийлэх кабинетыг хувийн санхүүжилтээр тохижуулж өгчээ.
-Манай төв 1986 оноос хойш 39 дэх жилдээ үйл ажиллагаагаа явуулж байна. Нийслэлийн Шүд эрүү, нүүрний төвийн хувьд нүүр амны эмчилгээ, урьдчилан сэргийлэлт, нүүр амны согог засал, гажиг засал, мэс засал гээд төрөлжсөн нарийн мэргэжлийн тусламж үйлчилгээг үзүүлдэг. Мөн төвийн даргын тушаалаар 2023 оны нэгдүгээр сард нийгмийн эрүүл мэндийн албыг байгуулж, шүд цоорох өвчнөөс урьдчилан сэргийлэх зөвлөгөө, үзлэг хийж, нийгмийн эрүүл мэндэд тулгамдаж байгаа судалгаа шинжилгээг хийх зорилгоор энэ албыг байгуулсан. Энэ албыг байгуулсантай холбоотойгоор төвийнхээ нэг давхарт урьдчилан сэргийлэх кабинетыг байгуулан ажиллаж байна.
Бидний зүгээс Монголдоо анхдагч “АIDent” шүдний сойзны үйлдвэрт урьдчилан сэргийлэх кабинетыг тохижуулах саналыг тавьсан.
Төрийн хэмнэлтийн тухай хуулийн дагуу улсын байгууллагад засвар үйлчилгээ хийх санхүүжилтыг хорьсон байдаг. Тийм учраас хувийн хэвшилд хандаж, нааштай хүлээн авсанд баяртай байгаа. Нийслэлийн Шүд эрүү, нүүрний төвийн нийгмийн эрүүл мэндийн урьдчилан сэргийлэх кабинетад өдөрт дунджаар 100-150 орчим хүн үйлчлүүлдэг. Бид иргэдэд ямар ч цаг олгохгүйгээр үнэ төлбөргүйгээр бүх насны хүмүүс урьдчилан сэргийлэх кабинетаар үйлчлүүлэх боломжтой. Энэ кабинетыг тохижуулж өгснөөр иргэд тав тухтай орчинд чанартай үйлчилгээ авах нөхцөл бүрдэж байна.
Холбоотой мэдээ