Үндэсний номын баяр ирэх Баасан гаригт буюу энэ сарын 19-нд Сүхбаатарын талбайд эхэлнэ. Номын баяр гурав хоног үргэлжлэх бөгөөд хүүхэд залуучуудад зориулсан олон арга хэмжээ болох юм.

Хүүхэд залуусын хүсэн хүлээдэг тус арга хэмжээг зохион байгуулагч “Номын соёлт ертөнц” төрийн бус байгууллагын 20 жилийн ойтой давхцаж буй нь энэ удаагийн номын баярын нэг онцлог аж. Мөн номын баярын үеэр ном, соёлтой холбоотой олон талт үйл ажиллагааг олны хүртээл болгож, хүүхэд багачуудад зориулсан сонирхолтой арга хэмжээг зохион байгуулахаар төлөвлөжээ.