Чөлөөт бөх ДАШТ: Т.Тулга өнөөдөр дэлхийн аварга болохын төлөө барилдана

Хорват улсын Загреб хотноо есдүгээр сарын 13-наас 21-ний өдрүүдэд чөлөөт бөхийн ДАШТ болно. Өчигдөр тэмцээний эхний өдрийн барилдаанууд болов. Улмаар гавьяат тамирчин Т.Тулга 70 кг-ын хагас шигшээд Казахстаны Нуркожа Кайпановын эсрэг барилдлаа. Түүний өрсөлдөгч нь 2019 оны ДАШТ-ий мөнгөн медальт, 2024 оны дэлхийн аварга, Ази тивийн гурван удаагийн аварга цолтой нэгэн байв.

Энэхүү барилдаанд Т.Тулга 5:2-оор илүүрхэж, алтан медалийн төлөө барилдахаар боллоо. Тэрбээр барилдааны явцад 2:0-ээр тэргүүлж явсан ч хоёр оноо алдаж, бүхэл онооны чанараар хожигдож эхэлсэн. Харин үүнээс хойш нягт барилдаж, гурван оноо дараалан авснаар 5:2-оор ялалт байгуулсан юм.

Т.Тулга өнөөдөр алтан медалийн төлөө Японы бөх, ДАШТ-ий мөнгө, Азийн аваргын мөнгө, хүрэл медальт Ёшиносүкэ Аоягитай барилдах болно.

Дэлхийн аваргад дараах тамирчид эх орноо төлөөлөн оролцож байна.

Эрэгтэй:

57кг Б.Мөнх-эрдэнэ (Төгс дэвжээ)
61кг Т.Түвшинтулга (БГД АК)
65кг Б.Гантулга (Тэх мөнх клуб)
70кг Т.Тулга (Хүч спорт хороо)
74кг Э.Төгсжаргал (Дархан хасу)
79кг О.Сүлдхүү (Алдар спорт хороо)
86кг Н.Батбилгүүн (Алдар спорт хороо )
92кг Т.Дэмчигдорж (Алдар спорт хороо)
97кг Г.Ганхуяг (Алдар спорт хороо)
125кг М.Лхагвагэрэл (Хилчин спорт хороо )

Эмэгтэй:

50кг Б.Мөнхнар (Алдар спорт хороо )
53кг Ц.Намуунцэцэг (Дархан хасу )
55кг Б.Хулан (Аврагч спорт хороо )
57кг Х.Болортуяа (Аврагч спорт хороо )
59кг Т.Алтжин (Хилчин спорт хороо )
62кг П.Орхон (Алдар спорт хороо )
65кг Т.Энхжин (Алдар спорт хороо )
68кг Э.Дэлгэрмаа (Хүч спорт хороо )
72кг З.Болортунгалаг (Хилчин спорт хороо )
76кг Э.Даваанасан (Алдар спорт хороо )

5 сэтгэгдэл

Хариулахаа болих

Зочин 2025-09-14 66.181.176.220

Хүүе энэ чинь сайжирчихаж, ноднин олимпоор шалны алчуур гэхэд ч хаашаа юм бэ, ер нь л тааруухан нөхөр байх шиг байсан, бэлтгэл энэ тэр нь гайгүй таарсан юм болов уу, үнсгэлжингийн үлгэр гэхэд болохоор