Хөгжлийн хурд хөгжилтэй орнуудаас “зугтаж” эхлэв | News.MN

Хөгжлийн хурд хөгжилтэй орнуудаас “зугтаж” эхлэв

Хуучирсан мэдээ: 2010.09.09-нд нийтлэгдсэн

Хөгжлийн хурд хөгжилтэй орнуудаас “зугтаж” эхлэв

Дэлхийн санхүүгийн зах зээлд ноёрхогч Голдмэн Сакс банкны ерөнхий эдийн засагч Жим О Нил эдийн засгийн үзүүлэлтүүд нь үсрэнгүй хурдаар урагшилж байгаа байгаа хөгжингүй орнуудын ДНБ-ий хэмжээ ойрын 15 жилд өндөр хөгжилтэй орнуудын бүтээж байгаа ДНБ-ий хэмжээнээс давж гарах магадлал дэвшүүлсэн нь бодитой зүйл гэж олонхи шинжээчид үзэж байгаа аж. Дэлхийн эдийн засгийн хөгжлийн түүхэнд шинэ үзэгдэл болох энэ өөрчлөлтийн гол эзэд нь үнэхээр ч хөгжлийн хурдцаараа гайхагдаж байгаа БРИК хэмээх эвслийн орнууд болж байна. ( Энэ эвсэлд Бразиль, Орос, Энэтхэг, Хятад багтдаг) Тэгэхдээ энэ бүхэнд нөлөөлж байгаа өөр нэг шалтгаан нь дэлхийн хойд хэсгийн өндөр хөгжилтэй орнууд эдийн засгийн бодит хямралтай нүүр тулгарч байгаатай холбоотой юм. Өрнөдөд бэлэн мөнгөний хомсдол үүссэнээс үнэт цаасны арилжаа багасан хөрөнгө оруулагчид санхүүгийн хямралын хоёрдахь үеийг хүлээн тэвдэцгээж байгаа юм.

Гэхдээ нүүрлэж болзошгүй энэ хямралыг дэлхий нийтийнх болно гэж зарлах хэрэггүй бөгөөд энэхүү хямрал бараг л дэлхийн хойд бүсийн АНУ, Канад зэрэг өндөр хөгжилтэй барууны орнуудыг л зөвхөн дайрч өнгөрөх бололтой байна. Бусад улс орнуудын хувьд хямралын эхний үеийг дотоодын амаргүй цочролтойгоор давж гарсан ч энэ удаад айх зүйл багатай гэж шинжээчид үзжээ. Тухайлбал, Орос гэхэд л эдийн засаг нь бусдаас илүү хүндхэн цохилтыг давсан ч одоо бараг л хэвийн байдалдаа орж байгаа аж. Тэгвэл  Хятад болон Энэтхэгийн эдийн засгийн өсөлтийн хурд огт буурсангүй.

Үүгээр ч зогсохгүй хөгжиж буй орнууд дахь эдийн засгийн ашигтай төслүүдэд хувьцаа гарган хөрөнгө босгож байгаа хэмжээ нь далайцаараа хөгжилтэй орнуудыхыг хэдийнэ гүйцэж түрүүлсэн байна.  Нэг л жишээ хэлэхэд өнгөрөгч зургадугаар сард Хятадын Хөдөө аж ахуйн банкинд хувьцаагаар хөрөнгө оруулалт босгосон мөнгөн дүн нь 22 тэрбум ам.долларт хүрсэн нь гайхалтай том амжилт байлаа. Энэ нь хөгжиж буй орнуудын зах зээлд хөрөнгө оруулж байгаа хэмжээ нь үнэт цаасны үнэлгээгээрээ өрнөдийн зах зээлд орж байгаа хөрөнгө оруулалтаас давж гарсныг харуулжээ.

Энэ онд хувьцааны зах зээлээр дамжуулан босгож байгаа хамгийн томоохон хөрөнгө оруулалтууд Азийн орнууд болон хөгжиж байгаа орнуудад л гарч байсан гэнэ. Үзүүлэлтээрээ хамгийн том 10 хөрөнгө оруулалт нь ( IPO ) Хятад, Орос, Польш болон Энэтхэгийн компаниудаар хийгдсэн байгаа бол тэдний дотор АНУ-ын нэг ч компани байхгүй байгаа юм. Харин баруун Европоос Испанийн ганцхан компани л багтсан аж. Хувьцаагаар дамжуулан хөрөнгө байршуулах үзүүлэлтийн манлайллыг одоогоор Хятадын Хөдөө аж ахуйн банк хадгалж байгаа ч өрсөлдөгчид бас бий. Тухайлбал, Оросын хөнгөнцагаан төмөрлөгийн үйлдвэрлэлийн тэргүүлэгч компани “РусАл” мөн л энэ үзүүлэлтээр энэ оны хоёордугаар сарын дээд амжилтыг 3,2  тэрбум ам.долларын хөрөнгө байршуулснаар тэргүүлж байсан юм. Өөрөөр хэлбэл, хөрөнгө оруулалт Лондон юм уу Нью-Йоркийг зорихын оронд зүүн зүг рүү урсах болсон нь мэдэгдэж байна.

Дээр нэр дурдагдсан “РусАл” компани гэхэд өөрийн хувьцааг Гонконгийн биржид байрлуулахаар сонгож байсан нь хувьцааны зах зээл өрнөдөөс зугатаж байгаагийн тод жишээ болох аж.

Гэвч хувьцааны хөрөнгө оруулалт нь орчин үеийн зах зээлийн давамгайлал өрнөдөөс зугатаж байгаа жишээний зөвхөн өнгөн хэсэг нь гэхэд болно. Цаашилбал, энэ оны сүүлийн хагаст өрнөдийн томоохон зах зээлээс хөгжиж байгаа дорнод хэсгийн зах зээл рүү ихээхэн хөрөнгө мөнгө урсан орж ирэх болсныг эдийн засгийн шинжээчид мэдээлсээр байна. Хөгжиж байгаа орнуудын хөрөнгө оруулалтын сангууд хөгжилтэй орнуудынхыг сүүлийн арван жилийн дотор хөнгөхөн гүйцэж түрүүлсэн төдийгүй энэ байдлаараа цаашид улам тасрах төлөвтэй байгаа юм.

Хэдий тийм боловч бүх зүйл сайн байсангүй. Хөгжиж байгаа орнуудын эдийн засгийн макро үзүүлэлтүүдийн өсөлт нь өндөр байгаа хэдий ч тус орнуудын зах зээл дэх тогтворгүй байдлаас шалтгаалан сүүлийн хагас жилийн байдлаар хувь нийлүүлсэн хөрөнгө багагүй алдагдал хүлээжээ. Нөхцөл байдал таагүй болмогц хөрөнгө оруулагчид юуны өмнө хөгжиж буй орнуудын хувьцаанаас салахаа боддог болоод байгаа гэнэ. Зөвхөн энэ онд л гэхэд дээр нэр дурдагдсан эвслийн ( BRIC ) дөрвөн орны хөрөнгийн зах зээл 9 хувийн алдагдал хүлээсэн байдаг. Энэ нь хөрөнгө оруулагчид эдийн засгийн хэт халалт болон валютын хатуу зохицуулалтаас нь болгомжилсонтой холбоотойгоор Хятадын хөрөнгийн биржүүдийн хүлээсэн 26 хувийн алдагдлаас улбаалсан цохилт байжээ.

Гэсэн хэдий ч хөгжиж буй орнуудад орж буй хөрөнгө оруулалт хэмжээний хувьд бусдыг тэргүүлсээр байгаагийн дотор хамгийн их ашиг олж байгаа нь Оросын хөрөнгө оруулалтын сангууд болж байна. Зөвхөн энэ оны эхний хагаст БРИК-ийн орнуудаас хамгийн их хөрөнгө татсан нь Орос байсан бөгөөд харин дараа нь Хятад улс удаалж байсан билээ. Нөгөө талаар үйлдвэрлэлийн хурдцаар БРИК-ийн орнууд Европын холбооны хамгийн өндөр хөгжилтэй орнуудаас хэдийнээ илүү гарч байгаа аж. Өнгөрөгч наймдугаар сард гаргасан дүнгээр бол Хятад болоод Оросын үйлдвэрлэлийн өсөлт улам бүр нэмэгдсэн дүнтэй байхад харин баруун Европын орнуудых буурсан дүнтэй гарчээ. Эндээс ч харсан хөгжиж байгаа орнуудаас хөгжилтэй орнууд хоцрох болсныг харж болохоор байгаа билээ.

Эх сурвалж: World with IPO`s/Now Russia

М.Наст

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2010-09-09

Naad zah ni hugjsun ornii tort Hugjij baigaa ornii tortiig idej uzehed l medej bolno Hugjsun ornii tort amand orood uusaad alga boldog gaihmaar amttai Hugjij bui ornii tort zugeer maslo shig amttai Iim joohon yuman deer hurtel yalgaa ni haragddag

Avatar

Зочин 2010-09-09

Hudlaa Ih zan gargaad Yu ch hiihgui Ner hundee hairlaj hamgaalsaar baigaad Oligtoi ch yum surch chadahgui hugjij chadahgui Hund surtaliig ustgahgui bol hol yavahgui

Avatar

Зочин 2010-09-09

Hugjij baigaa ornuud Gantshan mungunuus uur yu ch bodoj chadahgui baigaa bolohoor l hugjiluus hotsorch baigaa yum Deerees ni iz zan zalhuural hoyor ni saad bolj baina

Avatar

Зочин 2010-09-09

Amerik gehed yamar aguu internet bolon kompyuteriig hugjuulj chadaj baina Ene delhiin sain saihan hun turluhtung hugjuulehiin tuluu yamar ih yum hiij baina Iim ornuudiig l hugjsun gedeg yum

Avatar

Зочин 2010-09-09

Jishee ni Yapond bol ihenh humuus ni manaihaas undur tsalintai Naad zahiin medleg chadvar undur baidag Humuunleg yos undeur hemjeend hugjsun baidag shuudee Biznesd dampuuraad urund barigdsan yaduu humuus baidagaa Gehdee delhiig hugjuulj chadaj baina

Avatar

Зочин 2010-09-09

Oros Hyatad hoyor chanartai yamar buteegdhuun hiij chadah yum be Bas Humuusiin sain saihnii tuluu yu hiisen yum be Gantshan mungunii tuluu l ulairdag bizdee Ihenh humuus ni yaduu bolovsrool ni tiim ih sain bish bizdee Tiim ornuudiig hugjsun gej huleen zuvshuurch chadahgui

Avatar

Зочин 2010-09-09

Uls oron hir zereg hunleg baih ni Ter ulsiin hugjiliig yamar hemjeend baina gedgiig haruuldag Hugjij baigaa ornuud hunleg bish Har amia bodoh ni iluu baidag Undur hugjiltei ornuudad Hunleg yos mash sain hugjsun baidag yum

Avatar

Зочин 2010-09-09

Hugjiltei ornuudiig Hugjij baigaa ornuud guitseh boloogui Undur hugjiltei ornii ihenh humuus ni undur bolovsroltoi soyoltoi uhaantai chadvartai Naad zah ni bodoj baigaa zuil ni Hugjij bui ornuudiin humuusees shal uur baidagstei Hyatad Orosuud bol heden tsuun toonii humuus bolon gazriin bayalag hun amiinhaa toogoor ediin zasgaar turuulj ehelj baij magadgui yum Gehdee jinhene hugjiltei ornuud bol olon hun hamarsan jinhene chanartai jinhene humuusiin chadvariig hugjuulj bur iluu saain chabnartai tehnologi oloh hugjuulehed l hamgiin chuhal baidag yum Er ni Hugjij baigaa ornuudad dahiad joohon hugatsaa heregtei

Avatar

Зочин 2010-09-09

BRIC Brazil Russia India China БРИК Бразил Россия Индия Китай БОЭХ Бразил Орос Энэтхэг Хятад Оросоос орчуулсан нийтлэл байнаа гэж

Avatar

ERK 2010-09-09

Manai ornii 2 taliin Guren hugjinee gedeg chini bidniig ene tom zah zeelruu garaa geed bgaan bish uu

Avatar

99999324 2010-09-09

-99085780 dugaariig 500 myangad zarna
-ajil uilchilgeenii zoriulalttai ul hudluh hurungu hudaldaj avna utas 99999324

NewsMN Гар утасны хувилбар Татах
NEWS.mn

Мэдээллийн эх сурвалж