82 дахь удаагийн Венецийн олон улсын кино наадам энэ жил наймдугаар сарын 27-ноос есдүгээр сарын 6-ны өдрүүдэд Италийн Лидо арал дээр зохион байгуулагдаж байна. Наадмын шүүгчдийн бүрэлдэхүүнийг Америкийн найруулагч Александр Пэйн тэргүүлэх бол Германы найруулагч Вернер Херцогт "The Golden Lion" буюу Алтан Арслан шагналыг гардуулахаар болжээ. Мэдээж хэрэг улаан хивсний ёслол болсон бөгөөд энэ жилийн онцлох загварын бүтээлүүдийг "FASHION" буландаа хүргэж байна.

Италийн хамгийн алдартай кино наадам эхэлж, тайз, дэлгэцийн бүхий л алдартнууд үзэсгэлэнт арал дээр цугларчээ. 82 дахь удаагаа зохион байгуулагдаж буй Венецийн кино наадам есдүгээр сарын 6 хүртэл үргэлжлэх юм. Эл үеэр Грекийн найруулагч Ёргос Лантимосын "Bugonia", Гильермо дель Торогийн "Frankenstein", Ноа Баумбакийн "Jay Kelly" зэрэг өндөр хүлээлт үүсгэж буй дэлгэцийн уран бүтээлүүдийг толилуулна. Мөн найруулагч Софиа Копполагийн анхны баримтат кино болох “Marc by Sofia” нь загвар зохион бүтээгч Марк Жэйкобсын амьдрал, уран бүтээлийн тухай өгүүлэх бөгөөд уг наадамд нээлтээ хийх ч, өрсөлдөөнд орохгүй аж. Харин улаан хивсний ёслол дээр хэд хэдэн тансаг зэрэглэлийн брэнд шинэ, бүтээлч загварын чиг хандлагыг тодорхойлж байна. Тухайлбал, Пүрэв гаригт (2025.08.28) болсон улаан хивсний ёслолын үеэр Италийн жүжигчин Алба Рорвакер "Dior" брэндийн загвар зохион бүтээгч Жонатан Андерсоны урласан гүн цэнхэр өнгийн сатин даашинзыг өмссөн юм. Жонатан Андерсоны хувьд анхны "Dior"-ын эмэгтэй коллекцоо энэ оны аравдугаар сард Парисиын загварын долоо хоногт танилцуулах юм. Венецийн кино наадамд жүжигчид Алба Рорвакерийн хувцасыг урласан нь Андерсоны хувьд загварын салбарт нэрээ таниулах чухал мөч билээ.

Айо Эдебири "Chanel"-ийн улаан даашинз өмссөн байна.

Молли Гордон "Giorgio Armani"-аар гоёжээ.

Эмма Уатсон "Louis Vuitton"-ын даашинзыг өмссөн байв.

Наоми Уаттс "Valentino"-ийн оосоргүй, гялтганасан гоёлтой даашинз өмссөн.

Тилда Свинтон "Chanel" брэндийн цагаан торгон цамц өмсөж, өндөр бэлхүүстэй юмпа өмссөн байв

Амал Клүүни "Jeon Louis-Scherrer" брэндийн 1995 оны хавар, хамрын коллекцийн даашинзаар гоёсон.

Кейт Бланшетт үнэт чулуугаар чимэглэсэн захтай, гоёмсог хар өнгийн "Armani Privé" даашинзаар гоёсон байв. Бланшетт энэ даашинзыг өмнө нь 2022 оны "Screen Actor’s Guild Awards" (Дэлгэцийн жүжигчдийн холбооны шагнал гардуулах ёслол)-ын үеэр өмсөж байсан юм.

Амал Клүүни "Jeon Louis-Scherrer" брэндийн 1995 оны хавар, хамрын коллекцийн даашинзаар гоёсон.Жүжигчин Жулиа Робертс болон Аманда Сайфрид нар "Versace" брэндийн шинэ загвар зохион бүтээгч Дарио Виталегийн анхны загваруудыг өмссөн. Дарио Витале мөн энэ сарын сүүлээр Миланд анхны цуглуулгаа танилцуулах юм. Харин Италийн "Bottega Veneta" брэндийн чиг хандлагыг Луиз Троттер хэрхэн шинэчилж байгааг жүжигчин Жэйкоб Элорди болон Викки Крипс нарын хувцсаар харж болно. Айо Эдебири "Chanel" брэндийн шинэ бүтээлч захирал Маттью Блази-гийн загварын хувцсаар гоёжээ.

Жүд Лоу цагаан өнгийн смокинг өмссөн байлаа.

Шарлотт Рэмплинг "Saint Laurent" брэндийн торгомсог костюмоор гоёж, наадамд хүрэлцэн ирсэн байлаа.

Эндрю Гарфилд мөн бүрэн Dior хувцсаар гоёсон байлаа. Түүний хөх ноосон костюмын ялимгүй задгай товчтой цамц, тайлаагүй зангиа нь этгээд бөгөөд өвөрмөц өнгө аястай болгож байв.