Хамас зэвсэгт бүлэглэлийн хэвлэлийн төлөөлөгч Абу Убайда Газа хотын орсон сууцын хороололд хийсэн агаарын довтолгооны үеэр нас барсан Израилийн зэвсэгт хүчин мэдэгдэв. Гэхдээ уг мэдээллийг Хамас батлаагүй байна. Тодруулбал, Израилийн зэвсэгт хүчин болон дотоод аюулгүй байдлын алба (Шин Бет) хамтран мэдэгдэл гаргаж, Убайдагийн байршлыг урьдчилан тагнан, судалсны үндсэн дээр энэ ажиллагааг гүйцэтгэсэн гэжээ. Цохилт Бямба гаригт (2025.08.27) Газар хотын Аль-Римал дүүрэгт болсон бөгөөд орон сууцны барилгын хоёр болон гуравдугаар давхарт таван пуужин зэрэг харвасан байна. Тус байранд шүдний эмнэлэг байрлаж байсан бөгөөд үүнд Убайда орогнож байсан гэж үзэж байна.

Орон нутгийн эх сурвалжуудын мэдээлснээр, тухайн цохилтын үеэр дор хаяж долоон хүн амь үрэгдэж, 20 хүн шархадсан.

Орон нутгийн үсчин Мухаммед Эмад "BBC"-д хэлэхдээ, "Бөмбөгдөлт үнэхээр аймшигтай байсан. Би хөдөлж ч чадаагүй. Цусанд будагдсан хүүхдүүдийг харсан. Хүмүүс яг л дэлхий сүйрч байгаа мэт зугтаж байсан" гэж ярьжээ. "BBC"-н баталгаажуулсан бичлэг дээр айж сандарсан иргэд гудамж руу зугтаж, шархадсан хүмүүсийг зөөж буй дүр зураг харагджээ. Израилийн зүгээс Бямба гаригт болсон цохилтын дараа мэдэгдэл гаргахдаа, иргэдийн амь насыг хохироохгүй байхад анхаарсан гэж онцолсон байжээ. Мөн нарийн тусгалтай зэвсэг ашигласан, агаараас тандах ажиллагаа болон нэмэлт тагнуулын мэдээлэл авсны үндсэн дээр цохилт өгсөн гэв.

Абу Убайдаг 40 орчим насных байсан гэж үзэж байна. Тэрээр Аль-Кассам бригадуудын олон нийтийн өмнөөс ярьдаг,мэдээлэл өгдөг байсан бөгөөд нүүрээ нуусан масктай байсан ч олонд танигдсан байв. Тэрээр дуу хоолой, зан байдлаараа Хамасын дэмжигчдийн дунд баатар мэт шүтэгдэж байв. Тэрээр Баасан гаригт сүүлчийн мэдэгдлээ хийхдээ, “Израиль Газа хотод довтлох аваас барьцаанд байгаа израильчууд Хамасын дайчидтай ижил хувь тавилантай байх болно” гэж анхааруулсан байжээ.