П.Сайнзориг: Боловсролын яам хариуцлагаа хүлээх хэрэгтэй

Сургууль цэцэрлэгүүдийн тохижилтын асуудлаар УИХ-ын гишүүн П.Сайнзориг өөрийн цахим хуудастаа ийнхүү нийтэлжээ. Тэрбээр "2025-2026 оны хичээлийн жилд нийслэл Улаанбаатар хотод 668 цэцэрлэг буюу төрийн өмчийн 325, төрийн бус өмчийн 343 цэцэрлэгт 16,053 багш, ажилтан ажиллах бөгөөд 2-5 насны 125,685 хүүхэд цэцэрлэгт хамрагдахаар байна. Харин 326 ерөнхий боловсролын сургууль буюу төрийн өмчийн 171, төрийн бус 155 сургуульд 25,100 багш ажилтан ажиллах бөгөөд 412,273 сурагч суралцана. Шинээр ч сургууль, цэцэрлэг нэлээд баригдсан байна. Миний бие ч нийслэлийн Засаг даргын орлогчоор ажиллаж байхдаа “хэрүүл, тэмцэл” болон байж сургууль, цэцэрлэггүй хороодод 10 байршил сургууль, цэцэрлэг барих газрын асуудлыг хувийн хэвшилтэй тохиролцож авахад оролцож явсан байдаг. Түрүүчээсээ баригдаж, ашиглатад орж байна.

Гэтэл шинээр баригдсан 17 сургууль, 20 цэцэрлэгийн барилга нь ашиглатад орсон ч сандал, ширээ, тоног төхөөрөмжгүйн улмаас есдүгээр сарын 01-ний өдөр 17,235 сурагч, 4870 хүүхэд сургууль, цэцэрлэгтээ явах боломжгүй байна. СХД-т 3 сургууль буюу 62 дугаар сургуулийн өргөтгөл, 150 дугаар сургууль, 171 дүгээр сургууль, Баянгол дүүрэгт 3, Баянзүрх дүүрэгт 3, Хан-Уул дүүрэгт 2, Сүхбаатар дүүрэгт 1 гэх мэтээр 12 сургууль, 19 цэцэрлэг, 12-р Бага сургууль, цэцэрлэгийн цогцолбор тоног, төхөөрөмж, хүүхдийн ширээ, сандалгүй байна. Гомдмоор юм бэ.

Жишээ нь СХД-ийн Баянхошууны 341 дүгээр тусгай хэрэгцээт хүүхдийн цэцэрлэг 2024 оны арванхоёрдугаар сарын 12-ны өдөр ашиглатад орсон боловч өнөөдрийг хүртэл шаардлагатай тоног төхөөрөмж нь хангагдаагүйн улмаас хүүхдүүдээ авч чадаагүй байна. Багш нар ажлаасаа түрүүч нь гараад эхэлсэн байна.

Хэн хариуцлага хүлээх бэ. Боловсролын яамны энэ арчаагүй байдал тусгай хэрэгцээт хүүхдийн эсрэг ялгаварлан гадуурхалт гэж хэлж болно. 2025 оны Улсын төсөвт Боловсролын сайдын багцад 32.4 тэрбум төгрөгийг төсөвт тусгуулсан бөгөөд тавдугаар сарын 31-ний өдрийн дотор худалдан авалтаа зохион байгуулж чадаагүй үндэслэлээр 11 орчим тэрбум төгрөгийг татуулаад ийм нөхцөл байдлыг үүсгээд байгаа юм байна. Бас бусдаас буруугаа хайх маягтай байгаа сурагтай. Хохирч буй, ялгаварлан гадуурхагдаж буй сурагч, хүүхэд, эцэг эхчүүдээс хэн уучлал гуйх бэ. Улсын төсөв дээр суулгаад өгсөн хөрөнгийг зориулалтын дагуу зарцуулж чадаагүй татуулсан байдалд хэн хариуцлага хүлээх бэ.

Мөн Боловсролын багц хуулиар сургуулийн удирдлагыг Боловсролын яам, агентлаг томилдог болсон. Бөөн улс төржилт, дарамт шахалт болсон. Үүнийг өөрчлөх ёстой. Тоног төхөрөөмж худалдан авалтын төсвийг яам өөр дээр авсан ч худалдан авалт хийж чадсангүй. Яам нь бодлого ярьдаг биш аж ахуйн ийм ажилд оролцож, ажлаа хийж чадсангүй. Бөөн тендерийн будлиан, эцэст нь хүүхдүүд хохирч байна.

Ер нь тухайн жилийн төсвийн хөрөнгө оруулалтаар хийгдэх худалдан авалтыг тухайн жилийн тавдугаар сарын 31-ний өдрийн дотор хэрэгжүүлэхгүй бол төсвийг татаж авдаг хуулийн зохицуулалтыг эргэж харах ёстой.

Үе үеийн Сангийн яамны удирдалагын хандалага, өнгөц тайлбараар ингэж олон жил явж ирлээ. Тухайн жилийн төсвийн хууль, хөрөнгө оруулалт талдаа “Бүтэн жил бус тухайн жилийн тавдугаар сарын 31-ний өдөр хүртэл үйлчилдэг байж болохгүй”. Энэ бол УИХ-ын онцгой бүрэн эрхэд халдаж буй явдал. Боловсролын салбар хүүхдийн ирээдүйгээс хулгайлж, хэмнэлтийн хууль үйлчилдэг байж болохгүй шүү. Төсөв боловсруулдаг, төлөвлөдөг хүмүүс анхаарах зайлшгүй шаардлагатай. Ер нь сургууль, цэцэрлэгийн зориулттай 138 барилга нийслэл Улаанбаатар хотод баригдаж байгаа юм байна надад байгаа мэдээллээр, сүүлийн нэг жилийн дотор 18 барилгыг ашиглалтад оруулсанаас гадна Нийслэлийн төсвөөр “түрээслээд худалдан авах” нөхцөлөөр 6 цэцэрлэгийг шилжүүлэн аваад байна. Их засварын ажилд өмнөх жилүүдэд 5-7 тэрбум төгрөг баталж хэрэгжүүлж ирсэн бол энэ жил 27,7 тэрбум төгрөгийг Нийслэлээс баталж, нийслэлийн 177 сургууль, цэцэрлэгийн обьект дээр их засвар сантехник, цахилгаан, фасад, дээвэр гэх мэт ажлыг тухайн дүүргүүд нь хариуцан хэрэгжүүлж байна. Нийслэл сургууль, цэцэрлэгийн урсгал зардалд 108 тэрбум, сургууль, цэцэрлэг барих 22 байршилд газар чөлөөлтөд 70 тэрбум, сургууль, цэцэрлэгийн барилгын ажилд 198 тэрбум, сургууль, цэцэрлэгийн их засварт 20 тэрбум, сургуулийн уурын зуух болон нэмэлт шугам, сүлжээний засварт ЗД-ын нөөцөөс 6.2 тэрбум, нийт 402 тэрбумыг нийслэлийн төсвөөс гарган шийдвэрлээд байгаа юм байна. Харин Боловсролын яам ажлаа хийх хэрэгтэй байна. Хариуцлага хүлээх хэрэгтэй. Сангийн яам болохгүй байгаа хуулиа өөрчлөх төслөөө өргөн баримаар байна" гэжээ.

10 сэтгэгдэл

Хариулахаа болих

Ха 2025-08-27 66.181.183.212

Тэтгэвэрт 5 сард гарсан багшийн тэтгэмжийн мөнхийг одоо хүртэл өгөхгүй юм

Хариулах

Нэргүй 2025-08-27 122.201.31.185

ZA. TEGEHKEER. ERHEM. ZADGIIN. GAZARIIN. TULUULUGCHID. HKEL. AMAA. URALCALGUI. TURGEN. SHUURHAI. AJILCTGAARAI..
YARALTAI. SHIIDECHEENE. UU.

Иргэн 2025-08-27 66.181.184.81

нийслэл боловсролдоо анхаарах ёстой

Нэргүй 2025-08-27 202.126.90.214

niislelee samarsan hergee ta ooroo hulee

Нэргүй 2025-08-27 66.181.190.70

Яаманд ТНБД төсөв,хүн,хүчээ мэдэж 1-р гарын үсэг зурдаг.
Хугацаа алдсаны төлөө сурагчдыг хохироож байгаа хүн огцоргуй бол Боловсролын яамыг АНУ шиг татан буулгая.

Нэргүй 2025-08-27 202.70.43.34

Монголчууд яагаад Бүгдээрээ шахуу Нйислэлд Боловсрол эзэмших ёстой вэ ???? Төрөөс бодлого бна ууу

Зочин 2025-08-27 66.181.179.239

5 дугаар сарын 1 гэдэг хугацаа чинь ямар чамьдралгүй хуулийн заалт байна. Боловсролын яаманд хариуцлага ярих биш, Сангийн яам энэ ГОХ ДЭГЭЭ гээ мултлах хэрэгтэй