Хичээлийн шинэ жил эхлэж буйтай холбоотой орон нутгаас Улаанбаатар хот руу зорчих зорчигчийн тоо эрс нэмэгддэг. Үүнтэй холбоотой Улаанбаатар хотоос орон нутагт руу үндсэн 1734 тээврийн хэрэгсэл нэмэлтээр 122, орон нутгаас Улаанбаатар хот руу 1736 тээврийн хэрэгсэл үүнээс 328 тээврийн хэрэгслийг нэмэлтээр гарган тээвэрлэлтийг гүйцэтгэсэн байгаа талаар Авто тээврийн үндэсний төвөөс  мэдээллээ. Дээрх хугацаанд Улаанбаатар хотоос орон нутаг руу чиглэсэн зорчигчийн тоо 51,703 бол орон нутгаас Улаанбаатар хот руу 62,256 зорчигч тээвэрлэжээ. Орон нутгаас Улаанбаатар хот руу чиглэсэн зорчигчийн хөдөлгөөний эрчим энэ сар оргил ачаалалтай байна.