Попын хаан Майкл Жексоны хүү гэгдэн шуугиан тарьж байсан "R&B" дуучин Брэндон Ховард ирэх сарын сүүлээр Москвад болох "Intervsion" наадамд АНУ-ыг төлөөлөн оролцох болжээ. Уг наадам нь 1960-1970-аад онд богино хугацаанд үргэлжилсэн "Евровидение"-ийн Зөвлөлтийн үеийн хувилбарыг сэргээж байгаа аж. Учир нь Украины дайнаас болоод ОХУ-ыг "Евровидение"-д оролцохыг хориглосон юм.

Шууд дамжуулалттай наадмын үеэр Брэндон Ховард Оросын дайныг дэмжигч поп дуучин Шаман болон бусад 17 орны уран бүтээлчтэй өрсөлдөнө.

Брэндон Ховардыг попын хаан Майкл Жексонтой төстэй, ойр дотны хүмүүстэй нь холбоотой гэж олон нийт шуугиж байсан удаатай. Түүнийг Майкл Жексоны хүү гэх цуу яриа хүртэл гарсан ч хожим нь ДНХ-ийн шинжилгээгээр үгүй гэдэг нь батлагджээ.

"Intervsion" хөгжмийн наадмыг улс төржөөгүй гэж тодотгодог ч гэлээ ерөнхийлөгч Путин өнгөрсөн хоёрдугаар сард тус наадмын удирдах зөвлөл болон зохион байгуулах хороонд Кремлийн албан тушаалтнуудыг томилсон байна.