“Эрдэнэс Тавантолгой” ХК ордын нөөцийг бүрэн ашиглах, сорчлохгүй жигд борлуулах бодлого баримталж эрчим хүчний нүүрсний борлуулалтыг нэмэгдүүлсэн.  Энэ оны наймдугаар сарын 1-22-ний хооронд нийт 19 удаагийн арилжааг амжилттай зохион байгуулж 90.9 сая ам.долларын үнэлгээ бүхий 1.7 сая тонн нүүрс Хөрөнгийн биржээр арилжаалсны 61 хувийг (1.03 сая тонн) эрчим хүчний нүүрс, 34 хувь (576 мянган тонн) 1/3 коксжих нүүрс, таван хувийг (77 мянган тонн) баяжуулсан нүүрс тус тус эзэлж байна.