Шинэ элсэгчдээс бусад оюутны төлбөр нэмэгдээгүй

Засгийн газрын өргөтгөсөн хуралдаанаар Ерөнхий сайд Г.Занданшатар их дээд сургуулиудын сургалтын төлбөртэй холбоотой асуудлаар чиглэл өгсөн. Тодруулбал, "жилийн жилд сургуулиудын сургалтын төлбөрийн асуудал иргэдийг бухимдуулдаг. Сургалтын төлбөр өсөлт бодитой эсэх, хэт хөөсөрсөн байдлаар үнээ нэмдэг асуудлыг энэ жилээс холбогдох байгууллагууд сайтар судалж, магадлан итгэмжлэгдсэний үндсэнд хамтран ажиллах шаардлагатай.

Энэ жилийн хувьд нэгдүгээр курсэд элсэн сурагчдаас бусад оюутнуудын сургалтын төлбөр нэмэгдэхгүй байхаар тохирсон. Боловсролын яам анхаарч ажиллаарай" гэсэн юм.

Харин Боловсролын сайд П.Наранбаяр хичээлийн шинэ жилтэй холбоотойгоор сэтгүүлчдэд өгсөн мэдээллийнхэ үеэр их дээд, сургуулиудын төлбөртэй холбоотой асуудлаар "Төрийн өмчийн их, дээд сургуулиуд инфляцтай уялдуулаад өөрсдийн кредит төлбөрөө нэмэгдүүлсэн байдал ажиглагдаж байна. Дээд боловсролын тухай хуулиараа үүнд харьяа яамнаас оролцох боломж байхгүй. Үүнийг удирдах зөвлөл нь шийддэг" гэх хариулт өгсөн юм.

Энэ хичээлийн жилд их сургуульд элсэгчдэд зориулж сургалтын төлбөрийн талаар мэдээллийг нэгтгэн хүргэж байна.

ШУТИС: НЭГ КРЕДИТЫН ҮНЭЛГЭЭ ДУНДАЖ НЬ 162812 МЯНГАН ТӨГРӨГ БАЙНА

ШУТИС-д 2025 оны хичээлийн шинэ жил шинээр элсэн суралцах төлбөрийн ерөнхий суурь, мэргэжлийн суурь хичээлийн нэг кредитийн үнэлгээ 190000 мянган төгрөг байгаа бол дэвшин суралцаж буй оюутнууд салбар сургуулиасаа хамаарч 185600 болон 190000 мянган төгрөгийн төлбөр төлнө. Харин Бакалаврын гарагийн болон эчнээ сургалтад элсэгчдийн сургалтын төлбөр нь салбараасаа хамааран 222720 болон 228000 гэсэн хоёр ханштай байна.

Элсэлтийн бүртгэлийн цахим хаяг: http://burtgel.edu.mn

МУБИС: СУУРЬ ТӨЛБӨР 3.7 САЯ ТӨГРӨГ

МУБИС 21 багш, 15 багш бус мэргэжилтэн бэлтгэдэг. Суралцагч судлах хичээлийн кредитээс хамааран төлбөрөө төлнө. Эрэлттэй болон тэргүүлэх мэргэжлийн нэг кредитийн үнэлгээ салбар сургуулиасаа хамаараад 91100-135400 мянган төгрөгийн хооронд байна. Харин бусад мэргэжлийн нэг кредитийн үнэлгээ 87300-129800 мянган төгрөгийн хооронд байна.

Элсэлтийн бүртгэлийн цахим хаяг: http://msue.edu.mn

АШУҮИС: ХАМГИЙН ӨНДӨР ТӨЛБӨР НЬ 5.4 САЯ БОЛЖЭЭ

АШУҮИС-ийн жилийн төлбөр мэргэжлээсээ хамаарч дунджаар таван сая 270 мянган төгрөг бол хамгийн багадаа гурван сая 540 мянга байна. Харин нэг багц цаг нь мэргэжлээсээ хамаарч 118000, 170000 төгрөг байна.

Элсэлтийн бүртгэлийн цахим хаяг: https://elselt.mnums.edu.mn

СЭЗИС:НЭГ КРЕДИТ НЬ 282 МЯНГАН ТӨГРӨГ БОЛЖ НЭМЭГДЖЭЭ

Нэг хичээлийн жилд хоёр улиралта. Улиралд дунджаар 12-19 кредит хичээл судлах боломжтой бөгөөд нэг улирлын төлбөрийг хоёр хувааж төлөх боломжтой. Шалгуур хангасан элсэгч бүртгэлээс хоцорсон тохиолдолд СЭЗИС-д нөхөж бүртгүүлэх өргөдөл хүсэлтээ элсэлтийн комиссын дарга, нарийн бичгийн даргад хаяглан гаргана. Элсэлтийн комиссын дарга, нарийн бичгийн дарга хүсэлтийг хүлээн авч тухайн өдрийн ажлын цагт багтаан шийдвэрлэнэ.

https://admission.ufe.edu.mn

МУИС: СУУРЬ ХИЧЭЭЛИЙН НЭГ КРЕДИТЭЭ 154700-178500 ТӨГРӨГӨӨР ҮНЭЛЖЭЭ

Шинэчлэн тогтоосноор 2024-2025 оны хичээлийн жилд элсэх оюутнуудын ерөнхий суурь хичээлийн нэг кредитийн төлбөр 154000, харин салбар сургуулиудаас хамааран мэргэжлийн суурь хичээлийн төлбөр 154700-178500 байна. Төлбөрийн дэлгэрэнгүй мэдээлэлтэй энд дарж танилцах боломжтой. Элсэгч нь 2025 оны 08 дугаар сарын 08-ний 15:00 цаг хүртэл https://burtgel.num.edu.mn системийн бакалаврын өдрийн элсэлт хэсэгт нэвтэрч маягт бөглөж, “МУИС-д суралцагч суралцуулах гэрээ”-г зөвшөөрсөн эсэхээ баталгаажуулж, цахим хэлбэрээр бүртгүүлж, оюутан болох хүсэлт илгээж, оюутны хувийн дугаар, нууц үг авна.

Дээрх заасан хугацаанд оюутан болж бүртгүүлээгүй тохилдолд МУИС-д элсэхээс татгалзсан гэж үзнэ.

СУИС: НЭГ КРЕДИТИЙН ҮНЭ 155 МЯНГА

СУИС-ийн нэг кредитийн үнэ 155 төгрөг байна. Мөн тус сургуулийн харъяа Кино урлагийн сургуульд суралцагчид дараах баримт бүрдүүлж суралцах эрхийн бичиг авна. Үүнд

Боловсролын гэрчилгээ

Суралцагчийн хувийн хэрэг

Батламж хуудас

Иргэнийүнэмлэхний хуулбар

Суудал баталгаажуулалтын 1 кредитийн төлбөр тушаасан баримт

Элсэлтийн бүртгэлийн цахим хаяг: http://mnuac.edu.mn

6 сэтгэгдэл

Хариулахаа болих

Чанар 2025-08-21 66.181.165.234

гэвч юу заах бол.хэрэгтэй хэрэггүй юм цээжлүүлэх гүй бол дээрдсэн.Технологи хөгжөөд цээжлүүлдэг юм чинь гар утсанд орчихсон байгааг эрхэм багш нар мэдэж байгаа байлгүй

Хариулах

ZOCHIN 2025-08-21 192.82.65.4

SHUTIS 2-3 damjaaniixan ZARIM xicheel 1 kredit ni 195.000 TULSUN SHU ….. DUNDAJ gej iREE l XUMUUSIIN TUURUGDUULEX YUM

Бага байна 2025-08-21 202.9.46.7

Их дээд сургуулиудын төлбөр бага учраас ашиг гарахгүй шувт алдагдалтай ажиллаж байна, уг нь эрэлт нь хангалттай их байгаа. жилийн 35 саяас багагүй болвол хөдөөнийхөн хот руу чигжих нь ч багасна. Хөдөөнийхөн бол уяач мэргэжлээ дагнаад явбал хамаагүй амьдралтай вм байгаам даа. Үнэндээ энд ирж дипломын хавтастай болж аваад л 8 нэрийн дэлгүүрт сууна, эсвэл солонгос явна.

Зочин 2025-08-21 192.82.92.42

Терийн их сургуулиудаа цэгцэлж, мэргэжлийн давхцлыг арилган цомхотгож, илуу багш нарыг ЕБС- д ажиллуулах хэрэгтэй. Угаасаа л сул дорой оюутнаар дуурсэн коллеж маягийн сургуулиуд шуудээ!