Хавдрын шинэ эмнэлгийн зураг төслийг хийж дуусчээ

Улсдаа ганц Хавдар судлалын үндэсний төвийн шинэ барилгын зураг төслийг хийж дуусчээ. Эрүүл мэндийн яам шинэ эмнэлгийн зураг төслийг хүлээж авсан бөгөөд УИХ дахь ажлын хэсгийн саналаар зарим хэсэгт өөрчлөлт оруулахаар болсон байна. Зураг төсөлгүй гэдэг шалтгаанаар олон жил улсын төсвөөс хасагдсан шинэ эмнэлгийн зураг төслийг гурван тэрбум төгрөгөөр "Бодь пропертийз" компани хийхээр тендерт шалгарсан юм.

Шинэ эмнэлэг барих асуудлыг олон жил ярьсан ч ажил болгож чадалгүй өдийг хүрсэн. УИХ-ын зарим гишүүд 2025 оны улсын төсөвт шинэ эмнэлгийн дэд бүтцийг хийх 7.9 тэрбум төгрөг төсөвлөх саналыг гаргаж, батлуулсан байдаг.

Энэ талаар тухайн үед Сангийн сайд Б.Жавхлан өмнө нь мэдээлэл өгөхдөө "Дахин өргөн барих 2025 оны төсөвт алдагдлыг 1.4 их наядаар бууруулж, "Соёлын эрхийн бичиг"-ийг хасч, Хавдрын эмнэлгийн барилгын дэд бүтцэд 7.9 тэрбумыг нэмж тавьсан" гэж мэдээлж байв.

Өмнө нь Хавдрын шинэ эмнэлгийг нийслэлийн Баянзүрх дүүрэг дэх Чулуутын аманд барихаар төлөвлөж байсан ч дэд бүтэцгүй гэдэг шалтгаанаар газрыг өөрчилж, Сонгинохайрхан дүүргийн 34 дугээр хороонд 12 га газарт барихаар болсон юм.

Шинэ эмнэлэг барихад нийт 450-500 тэрбум төгрөгийн хөрөнгө оруулалт шаардлагатай. Хавдрын эмнэлгийн хана нь зузаан буюу цацраг идэвхит бодит ялгардаггүй байхаас гадна туяа, цөмийн төвтэй байх гэх мэт олон улсын стандартад нийцсэн хэрэгтэйг эмч мэргэжилтнүүд хэлж буй.

Одоогийн Хавдар судлалын үндэсний төвийн барилга нь 1981 онд ЗХУ-ын тусламжаар баригдсан.

Тэр цагаас хойш нэмэлт барилга барьж, өргөтгөөгүй гэдгийг эмнэлгийн удирдлага хэлж байсан юм. Хавдар судлалын үндэсний төв /ХСҮТ/-ийн амбулаторийн үзлэгийн тоо жил бүр өсч байгаа харамсалтай статистик бий. Гэвч хавдраар өвдөж байгаа олон мянган хүнд эмнэлгийн тусламж үйлчилгээ үзүүлэх улсад ганц байдаг эмнэлгийн тоног төхөөрөмж хүртээмжгүй байгаа талаар өвдсөн иргэд хэлж буй. Мөн оочер дараалал их байгааг шүүмжилдэг.

5 сэтгэгдэл

Хариулахаа болих

Болиоч 2025-08-20 202.126.88.135

Зураг төслийн болон барилга барих үнэ арай арай арай хэт юм аа.

Хариулах

Нэргүй 2025-08-20 66.181.176.125

Бүгдээрээ эмнэлэгт амьдарцгаагаад бж дээ, одоо бгаа нь их л том эмнэлэг дээ

Нэргүй 2025-08-20 103.229.122.160

АГААР ЦЭВЭР ХҮНС ЭРҮҮЛ БОЛ ХАВДАР БУУРНА ДАА. ЭМНЭЛЭГ БАРЬЛАА ГЭЭД Ч ЯАХ ЮМ.

21 2025-08-20 202.126.90.181

ардчилалын нэр доор бүх зүйлээ бид алдлаа одоо хүртэл тэр үлгэрт итгэсэн хэвээрээ гэжүү ардчилал доор өнгөрөөсөн 35 жилийн яг иу н сайхан байв фукушимөаагийн хорийг монголдоо буллаа удахгүй францийн хорийг америкийн даалгвраар булуулна яг иунд талархах вэ