Иргэдийн гар утсанд 97697766806 дугаараас замын хөдөлгөөний торгуультай холбоотой худал мэдээлэл ирж байгаа талаар Замын хөдөлгөөн удирдлагын төвд/ЗХУТ/-д иргэд хандах болжээ. Гэвч энэхүү мэдээлэл нь тус төвөөс явуулсан албан ёсны мессеж биш аж.

Иймд ЗХУТ-өөс жолооч нарт хандан дараах зөвлөмжийг хүргүүлж байна.

• Ирсэн мессеж доторх линк дээр дарахгүй байх,
• Хувийн мэдээллээ бөглөхгүй байх,
• Санхүүгийн гүйлгээ хийхгүй байх,
• Сэжигтэй тохиолдолд хууль хяналтын байгууллагад мэдээлэхийг анхааруулж байна.

Цахим гэмт хэргээс урьдчилан сэргийлж, өөрийн болон бусдын аюулгүй байдлыг хамгаалахыг сэрэмжлүүлж байна.