Казахстаны ерөнхийлөгч Касым-Жомарт Токаевын аялал жуулчлалыг хөгжүүлж, үндэсний үнэт зүйлсийг бэхжүүлэх уриалгын дагуу тус улсын хойд  нутагт наймдугаар сарын 11-17-нд түүх, соёл, залуучуудын бодлогын олон улсын арга хэмжээнүүд боллоо. Уг арга хэмжээнд зориулж Шадар сайд Ермек Көшербаев Ботайн морь гэршүүлэлтийн түүхэн ач холбогдлыг онцлов. Тэрбээр хэлэхдээ, “Түүхэн дурсгалууд бол Казахстан болон Түрэг ертөнцийн үнэлж баршгүй баялаг юм. Ялангуяа Ботай нь хүн төрөлхтний эртний түүхийг болон морийг гэршүүлсэн үйл явцыг ойлгоход онцгой ач холбогдолтой.” гэжээ.

Мөн гурав дахь олон улсын уран бүтээлчдийн симпозиум археологич Виктор Зайбертын Ботайд хийсэн нээлтийн 40 жилийн ойг тэмдэглэжээ. Петропавл хотод яруу найрагч, гүн ухаантан Мажган Жумабаевт зориулсан анхны шинжлэх ухаан-­соёлын төв болох “Мажган Орталгы” нээгдсэн байна.

Албаныхан эдгээр санаачилга нь түүх, соёлоо хадгалж, аялал жуулчлалыг хөгжүүлж, Казахстаны олон улсын соёлын байр суурийг бэхжүүлнэ гэж мэдэгдэв.