"Чэндү" хэмээх эртний хятад үсгээр дэлхийн 12-р наадмын нээлтийн ёслолын үеэр салют буудуулж, шөнийн тэнгэрийг гэрэлтүүлж, олон мянган жилийн соёлын өвийг орчин үеийн үзэгдэлтэй хослуулжээ. Гараар урласан хулсан лоозонгоос авахуулаад Чэнду хот биет бус соёлын баялаг өвөө ёслолын үеэр дэлгэн үзүүлж, олон улсын спортын арга хэмжээнд соёлын танилцуулгын шинэ жишиг тогтоов. Азидаа хамгийн томд тооцогдох дан модоор барьсан 430 метр өндөр “Tianfu Roof” байгууламжид болсон нээлтийн ёслолыг 10 мянга орчим хүн үзэж сонирхжээ. Энэхүү ёслолд Олон улсын дэлхийн спортын наадмын холбооны тэргүүн Хосе Перурена, Олон улсын олимпын хорооны (ОУОХ) гүйцэтгэх зөвлөлийн гишүүн Ли Линвэй нар мөн оролцов.

Нээлтийн ёслолд Хятадын усан цанын тамирчин Сюй Лу, Алу Шиаобо нар тэмцээний галт бамбарыг барин усан дээгүүр гулгасан нь нээлтийн ёслолын оргил үе байлаа. Дараа нь Сюй, Алу нар нуураас урсах ус мэт хэлбэртэйгээр зохион бүтээсэн наадмын тогоог асаахад тэнгэрт олон өнгийн салют буудуулан ёслолын буудлага хийжээ. “Хил хязгааргүй спорт, тоо томшгүй гайхамшиг” уриан дор наймдугаар сарын 7-17-ны хооронд болж буй дэлхийн 12 дахь удаагийн спортын наадмыг Хятадын эх газарт анх удаа зохион байгуулж байгаагаараа онцлогтой. Чэндү хотод 2023 онд Дэлхийн оюутны спортын универсиад наадмыг амжилттай зохион байгуулсны дараа энэхүү тэмцээнийг явуулж байна. Тэмцээний түүхэнд хамгийн олон тамирчин оролцох Чэндүгийн дэлхийн спортын наадамд дэлхийн 116 улс орон, бүс нутгийн 6679 тамирчин, албаны хүн оролцож, 3942 тамирчин спортын 34 төрлийн 256 тэмцээн уралдаанд хурд хүч, авхаалж самбаагаа сорин өрсөлдөнө. Хятад улс мөн тэмцээний түүхэн дэх хамгийн өргөн баг бүрэлдэхүүнээ илгээсэн бөгөөд нийт 489 гишүүний 321 нь тамирчид юм.