Тээврийн прокурорын газрын гаргасан судалгаагаар 2025 оны эхний долдугаар сарын байдлаар нийслэлийн хэмжээнд нийт 370 удаагийн зам тээврийн ослын улмаас 420 хүүхэд осолд өртсөн нь тогтоогджээ. Энэ Баянзүрх, Хан-уул дүргүүдэд хамгийн их бүртгэгдсэн байна.

Ослын тоо дүүргүүдийн хувьд дараах байдлаар бүртгэгдсэн байна:

• Баянзүрх дүүрэгт – 97 хүүхэд
• Хан-Уул дүүрэгт – 88 хүүхэд
• Сүхбаатар дүүрэгт – 67 хүүхэд
• Баянгол дүүрэгт – 65 хүүхэд
• Сонгинохайрхан дүүрэгт – 62 хүүхэд
• Чингэлтэй дүүрэгт – 41 хүүхэд тус тус зам тээврийн осолд оржээ.

Тодруулбал, өртсөн 420 хүүхдийн 270 нь явганаар, 68 нь тээврийн хэрэгслээр зорчиж байхдаа, 82 нь унадаг дугуй болон цахилгаан дугуй унаж явах үедээ осолдсон байна.

Хүүхэд зам тээврийн осолд өртөх эрсдэл жилээс жилд нэмэгдэх хандлагатай байгаа тул Тээврийн прокурорын газраас дараах анхааруулгыг өгч байна. Үүнд:

• Эцэг, эхчүүд Монгол Улсын Замын хөдөлгөөний дүрмийн 27.2-т заасан “10 хүртэлх насны хүүхдийг харгалзах хүнгүйгээр замын хөдөлгөөнд явганаар оролцуулахгүй” гэсэн заалтыг мөрдөх,
• Хүүхдэдээ замын хөдөлгөөнд аюулгүй, зөв, соёлтой оролцох мэдлэг, дадлыг эзэмшүүлэх,
• Хүүхдээ замын хөдөлгөөний эрсдэл бүхий газарт явганаар зорчих, тоглох, унадаг дугуйтай явах зэргээс сэргийлж, тогтмол анхаарал хандуулахыг уриалжээ.

С.УЧРАЛ