НЭМЭЛТ:

Хоёр мап үргэлжилсэн тоглолтын ялагч нь Украины "NaVi" байлаа. Эхний "Inferno" мап дээр "The MongolZ" багт хожих боломж байсан ч гурван нэмэлт цаг сунгасны эцэст харамсалтай хожигдсон.

Удаах "Ancient" мапыг "The MongolZ"-ийнхон өөрсдөө сонгосон ч хүссэнээрээ тоглож чадсангүй. "NaVi" тоглолтын эхнээс тэргүүллийг авч, илүү явсаар 11-1 гэсэн харьцаатай эхний хагасыг өндөрлүүлсэн. Улмаар "The MongolZ" баг эргэн ирэх гэж оролдсон ч туршлагатай, Мэйжорын аварга баг боломж олгосонгүй.

"NaVi"-ийн шинэ цэрэг "makazze" эхний мап дээр тааруу тоглосон ч хоёр дахь мап дээр тун чухал үеүдэд онцгойрч чадлаа. Тоглолтын дараа "Techno4к"-ийн хэлснээр "makazze"-ийн сайн тоглолт бус "The MongolZ"-ийн алдаануудаас болж, хожигдсон гэв.

Мэйжорын дэд аваргаар тодорсныхоо дараа Монголдоо амарсан тэд ямар ч бэлтгэл хийлгүйгээр Германыг зорьсон билээ.

Энэ оны хоёрдугаар хагасын эхний том тэмцээн болох IEM Cologne 2025-ийн плей-оффын тоглолтууд өнөөдөр/2025.08.01/ Германы Кёльн хотноо эхэлж байна. Дэлхийн шилдэг 24 багтай эхэлсэн аялал өдгөө зургаан багтай үргэлжилж буй. Тэдний нэг нь Монголын "The MongolZ" баг.

"The MongolZ" тун удахгүй 21:45 цагаас Украины "NaVi" багийн эсрэг тоглох гэж байна. Хоёр багийн тухайд нийт зургаан удаа учраа таарсан бөгөөд үүнээс "NaVi"-д дөрвөн удаа хожиж байжээ. Харийн сүүлийн тоглолтод "The MongolZ" баг 2-0 гэсэн харьцаатай илүүрхсэн үзүүлэлттэй.

Сүүлийн тоглолтоос хойш өөрчлөгдсөн нэг зүйл нь "NaVi" баг бүрэлдэхүүндээ өөрчлөлт оруулж, "jL"-ийн оронд академийн багаасаа "makazze"-г авчирсан. Өдгөө 18 настай, косово гаралтай хүү хараахан өөрийн батлан харуулж, гялалзаагүй л байна.

Ийнхүү монголчуудын бахархал, омогшил болсон "The MongolZ" багийн эсрэг украинчуудын нэр төр "NaVi" тулах болно.

Хоёр багийн хожсон нь хагас шигшээд "Spirit" багийн эсрэг тоглоно.