Герман улсад "IEM Cologne 2025" тэмцээн үргэлжилж байна. Тэмцээний хоёрдугаар шатны тоглолтууд эхэлсэн бөгөөд Монголын "The MongolZ" өнөөдөр/2025.07.27/ Саудын Арабын "Falcons" багийг 2-0 гэсэн харьцаатай хожлоо. Ингэснээр тэд плей-оффын эрхээ авсан хамгийн эхний баг болж байна.

Тоглолтын дараа өгсөн ярилцлагадаа "Mzinho" ярихдаа "Бид потенциалынхаа 80 хувийг л гаргалаа гэж бодож байна. LANXESS аренад тоглох болсондоо баяртай байна. Миний хувьд гурав дахь удаагаа тоглох гэж байна. Гайхалтай санагдаж байна" гэжээ.

Гэхдээ "The MongolZ"-ийн хоёрдугаар шатны тоглолт дуусаагүй. Тэд маргааш хэсгийн аваргын төлөө тоглоно. Хэрэв тус тоглолтод хожвол шууд хагас шигшээд шалгарна. Харин хожигдвол плей-оффын эхний шатанд өрсөлдөх учиртай.