“NEWS” агентлаг залуустаа зориулсан “Шинэ нэр” булангийнхаа энэ удаагийн зочноор ширээний теннисний тамирчин М.Тэмүүлэнг онцолж байна. Залуу тамирчны хувьд Рейн-Рур 2025 зуны универсиад наадамд эх орноо төлөөлөн оролцсон юм. Ингээд түүнтэй танилцъя.

МЯНДАЛЫН ТЭМҮҮЛЭН

2001.10.03

Төгссөн сургууль

Үндэсний биеийн тамирын дээд сургууль

11-р сургууль

Мэргэжил

Спортын дасгалжуулагч

ХҮҮХЭД НАСНЫ ТУХАЙ

-Эмээ дээрээ л 3,4-р хороололд өссөн дөө. Гадаа их тоглодог, гараж дээр гүйдэг л байсан.

АНХ СПОРТТОЙ ХОЛБОГДСОН ТҮҮХ

-Манай нагац ах ширээний теннис багш хийдэг. Ахыгаа дагаж л спорттой холбогдсон доо.

АНХНЫ АМЖИЛТ

-Хүүхэд байхдаа улсын аваргаас хүрэл медаль авч байсан юм.

ЧУХАЛ ТОГЛОЛТУУДЫН ӨМНӨ ХЭРХЭН ӨӨРИЙГӨӨ БЭЛДДЭГ ВЭ?

-Ихэвчлэн ганцаараа суугаад төвлөрөхийг хичээдэг.

ҮЛГЭР ЖИШЭЭ АВДАГ ТАМИРЧИН

-Дэлхийн топ тамирчдыг хардаг, шүтдэг. Хятадын Ма Лонгийг түлхүү хардаг.

УНИВЕРСИАДАД ОРОЛЦСОН  СЭТГЭГДЭЛ

-Универсиадад хоёр дахь удаагаа орж байна. Өмнөхөө бодвол энэ удаад гаргасан амжилтдаа илүү сэтгэл хангалуун байгаа.

ХАМГИЙН ДУРСАМЖТАЙ ТЭМЦЭЭН

-15 хүртэлх насны хүүхдийн улсын аварга шалгаруулах тэмцээн.

ОЮУТАН-ТАМИРЧНЫ НЭГ ӨДӨР ХЭРХЭН ӨНГӨРДӨГ ВЭ?

-Бүх өдөр л адилхан даа. Даваа гаригаас Ням гариг хүртэл өглөө 09:00 цагаас 12:00 цаг хүртэл бэлтгэлтэй байдаг. Бэлтгэлээ тараад амарч, хоолоо идээд 15:00 цагаас 18:00 цаг хүртэл оройны бэлтгэлээ хийгээд гэртээ харьдаг.

СПОРТТОЙ ХОЛБОГДООГҮЙ БАЙСАН БОЛ ӨӨР ЯМАР ЧИГЛЭЛЭЭР ЯВАХ БАЙСАН БЭ?

-Өөр мэргэжлээрээ сурах байсан байх. Яг чиглэлээр гэдгээ сайн хэлж мэдэхгүй л байна.

ЧӨЛӨӨТ ЦАГАА ХЭРХЭН ӨНГӨРҮҮЛДЭГ ВЭ?

-Гэрийнхэнтэйгээ, найз охинтойгоо, дүүтэйгээ л өнгөрүүлдэг. Гадуур явах дуртай.

БИДЭНД ГЭР БҮЛЭЭ ТАНИЛЦУУЛААЧ?

-Би ам бүл дөрвүүлээ. Аавыг Мяндал, ээжийг Солонго гэдэг. Дүүг маань Төгсбилэг гэдэг. 10 настай.

ӨӨРИЙНХӨӨ ТОГЛОЛТЫГ ТОДОРХОЙЛВОЛ?

-Хамгаалж тоглодог.

ОЙРЫН ТӨЛӨВЛӨГӨӨ

-Монголдоо очоод Солонгос явж, бэлтгэл хийх л төлөвлөгөө байна даа.

АМЬДРАЛЫН ХАМГИЙН ТОМ ЗОРИЛГО, МӨРӨӨДӨЛ

-Сайхан гэр бүлтэй болоод сайхан амьдрахыг л мөрөөддөг.

ҮЕИЙН ЗАЛУУСТАА ӨГӨХ ЗӨВЛӨГӨӨ

-Тууштай байгаарай.

М.ТЭМҮҮЛЭНГ ДЭМЖДЭГ ХҮМҮҮСТ ХАНДАЖ ХЭЛЭХ ҮГ

-Та бүхэндээ баярлалаа.

ГЭРЭЛ ЗУРГИЙГ Э.ХАРЦАГА