Хойд Солонгосын удирдагч Ким Жон Ун импреалист, АНУ-ын эсрэг ялалт байгуулна гэж мэдэгджээ. Тэрбээр Ням гаригт (2025.07.27) Солонгосын дайны ойн өдөр болсон арга хэмжээний үеэр "Манай төр, ард түмэн хүчирхэг армитай баян улсыг байгуулах агуу зорилгод хүрч, империализмын эсрэг, АНУ-ын эсрэг тэмцэлд нэр хүндтэй ялалт байгуулна" гэж мэдэгдсэн байна.

Хойд Солонгос улс 1953 оны долдугаар сарын 27-нд АНУ, Хятад улстай эвлэрэх гэрээ байгуулж, гурван жил үргэлжилсэн дайныг зогсоосон байдаг. Тухайн үед АНУ-ын генералууд Өмнөд Солонгосыг дэмжиж байсан НҮБ-ыг төлөөлөн гэрээнд гарын үсэг зуржээ.

Хэдийгээр дайны дараа Солонгосын хойгийг талбайгаар нь тэнцүү хувааж, хоёр орны тэнцвэрт байдлыг хадгалах болсон ч Хойд Солонгос долдугаар сарын 27-ныг "Ялалтын өдөр" хэмээн тэмдэглэж өнгөрүүлдэг байна. Өмнөд Солонгосын хувьд эл өдрийг төдийлөн баяр ёслолд тооцдоггүй. Хойд Солонгос одоо Украины дайнд Оростой мөр зэрэгцэн тулалдаж байна. Пхёньян олон мянган цэрэг Оросын Курск мужид тулалдахаас гадна Орост зэвсэг нийлүүлсэн байна. Өмнөд Солонгосын албаныхан долоо болон наймдугаар сард Хойд Солонгос дахин Орос руу цэрэг илгээж магадгүй гэж мэдэгдсэн байна.

Ялалтын өдрийг тохиолдуулан Ким Жон Ун дайны музейд зочилж, 1950-53 оны дайнд оролцсон ахмад дайчдын дурсгалыг хүндэтгэх дурсгалын цогцолборууд, тэр дундаа Хойд Солонгосчуудтай тулалдаж байсан Хятадын ардын чөлөөлөх армийн дайчдын дурсгалыг хүндэтгэх хөшөөнд зочилжээ. Эл үеэрээ их бууны дэглэмийн цэргүүдтэй уулзсан гэж тус улсын төрийн хэвлэл мэдээлсэн байна.