Газын зурваст гал зогсоож, хүнсний тусламжийн урсгалыг нэмэгдүүлэн, барьцаалагсдыг суллах зэрэг асуудалд АНУ-ын ерөнхийлөгч Дональд Трамп найдлага тавьж буйгаа илэрхийлсэн байдаг. Гэсэн хэдий ч Трампын найдвар талаар болсон бололтой. Энэ долоо хоногт тэрбээр гал зогсоох хэлэлцээнээс төлөөлөгчдөө татаж, Хамас асуудлыг нухацтай хүлээж авч үзэхгүй байна гэжээ. Трампын Ойрхи Дорнодын асуудал хариуцсан туслах Стив Виткофф барьцаалагсдыг суллах өөр арга замыг хайж байна гэж мэдэгдсэн аж.

Түүнчлэн дайныг зогсоохын оронд Хамасын эсрэг цэргийн ажиллагаагаа үргэлжлүүлэхийг Израиль санал болгожээ. Шотланд руу айлчлалаар явахаасаа өмнө Трамп хэлэхдээ,"Хамас үхэхийг хүсч байна", "Та нар ажлаа дуусгах хэрэгтэй болох нь" гэж хэлсэн байна. Трампын энэхүү хатуу байр суурь нь хэлэлцээ талаар өнгөрсөн үү, эсвэл Хамасыг хэлэлцээ байгуулах шахалт өгч байна уу гэдэг нь тодорхойгүй байна. Гэхдээ түүний хэлсэн үгс нь хоёр гаруй жил түрэмгийлэл үйлдэж буй Израилийг зогсоох бодолгүй байгааг нь илтгэж байна.

Дашрамд, Трамп саяхан Израилийн ерөнхий сайд Беньямин Нетаньяхутай уулзсан. Хэдийгээр уулзалтын талаар дэлгэрэнгүй мэдээллийг Трампын ажлын хэлтсээс өгөөгүй ч тэрбээр "сэтгэл дундуур болсон" гэж хэлсэн байна. Энэхүү уулзалтын хүрээнд дайныг хэзээ, хэрхэн бүр мөсөн дуусгах, Палестины барьцааны хүмүүсээс суллах, Израилийн арми Газын хаана үйл ажиллагаа явуулах зэрэг багтжээ.