ӨМӨЗО-ы Ордос хотын Дуншэн дүүрэгт энэ сарын 18-наас 20-ны хооронд ноос ноолуурын 8 дахь удаагийн олон улсын үзэсгэлэн болжээ. Энэхүү арга хэмжээнд Франц, Итали, Их Британи, Иран, Япон, Монгол зэрэг орны загварын болон ноолуур үйлдвэрлэгч томоохон, олон улсад нэр хүндтэй 30 гаруй компани оролцсон байна.

Зохион байгуулагчдын мэдээлснээр, Ордос хотын хөдөө аж ахуй, мал аж ахуйн нэгдсэн судалгааны төв, ноолууран сүлжмэл бүтээгдэхүүний дижитал дундын үйлдвэр, Шэнхуй компанийн ноолуурын гүн боловсруулах үйлдвэр зэрэг найман томоохон төсөлд оролцогч талууд хэлэлцээр байгуулсан. Тухайлбал, нийт 300 сая юанийн гэрээ байгуулжээ.  Аж ахуйн нэгжийн 16 нэмэлт захиалгыг эцэслэн шийдвэрлэсэн бөгөөд нийт үнийн дүн нь 290 сая юаниас давсан байна.

Нээлтийн ёслолд Бүс ба Зам хотын “CCPIT” эвслийн Ерөнхий нарийн бичгийн дарга Гэ Вэй, Италийн Жанноккаро компанийн захирал Дэймон Фрэнк Жианноккаро нар олон улсын түншүүдийг төлөөлөн үг хэлсэн байна. Тэд бусад оролцогчдын хамтаар Ордос хотын Ноолуурын төлөөх амлалтыг дэлхийд таниулсан хөөргөх төхөөрөмжийг идэвхжүүлжээ.

Жианноккаро "China Economic Net"-д өгсөн ярилцлагадаа Ордос хотын инноваци, гар урлалыг өндрөөр үнэлж "Үзэсгэлэн өргөжин тэлж, илүү олон хүн Ордос хотод бий болж буй хүч чадал, шинэлэг санааг мэддэг болно гэж найдаж байна. Энд сүлжмэлийн үйлдвэрлэл үнэхээр гайхалтай хөгжсөн байна" гэжээ.