Энэ оны долдугаар сарын 20-ны байдлаар бэлчээрийн ургамлын ургалтын байдал 37 хувийн гантай байна. Ялангуяа Дархан, Сэлэнгэ, Төв аймгуудад энэ зун хур тунадас бага орох төлөвтэй. Мөн Баян-Өлгий, Увс, Ховд, Завхан, Өвөрхангай аймгийн зарим хэсгээр гандуу буюу өмнө жилийн мөн үетэй харьцуулахад тариалангийн бүс болох Төв, Сэлэнгэ аймгуудаар ургац бага байна. Харин говийн аймгуудаар ургац ихтэй байх төлөвтэй байна.

Тиймээс иргэд ган гачиг болох эрсдэлд бэлэн байхыг ЦУОШГ-аас анхаарууллаа. 

Мөн Улаанбаатар хотод ихэнх гол мөрөн үерийн хэмжээг давсан байна. Цаашид орох хур борооны хэмжээнээс шалтгаалан жижиг гол, хуурай сайраар сүйтгэл ихсэж болзошгүй. Гол мөрний усны түвшин богино хугацаанд огцом нэмэгдэж үерлэх магадлалтай тул иргэдийг гол ус руу орохгүй байх, эрэг хөвөө дагаж буухгүй байхыг уриаллаа. Түүнчлэн, голын ай сав орчмоор амьдардаг иргэдэд үер усны гамшгаас урьдчилан сэргийлэхийг уриаллаа. 

М.НАМУУН