Улаанбурхан өвчний тархалтын нөхцөл байдлын талаарх мэдээллийг ХӨСҮТ-өөс хүргэлээ. Долдугаар сарын 16-ны байдлаар батлагдсан тохиолдлын тоо 12,442 хүрээд байна. Үүнээс 11,846 нь эдгэрсэн бол 301 нь эмнэлэгт, 287 нь гэрээр эмчлүүлж байна. Мөн энэ өдрийг хүртэл найман хүн нас баржээ. Нийт хавьтлын тоо 90,824 хүрээд байна.

Эмнэлэгт хэвтэн эмчлүүлж буй 301 хүний 51 нь хөнгөн, 229 нь дунд, 19 нь хүнд, хоёр нь нэн хүнд байдалтай байна.

Өвчлөлийг насны бүлгээр авч үзвэл, 10-14 насныхан дунд тархалт хамгийн өндөр байна. Тодруулбал, энэ насны 4830 хүүхэд өвджээ. Үүний дараа 0-4 насныхан эрсдэлт бүлэгт тооцогдож байна.