Иран болон Киргиз улс хамтран төр, хувийн хэвшил хоорондын эдийн засаг, худалдааны харилцаагаа хөгжүүлж, бэхжүүлэхээр зорьж байна. Ираны гадаад хэргийн сайд Сейед Аббас Арагчи Мягмар гаригт (2025.07.15) Хятад улсад болж буй Шанхайн хамтын ажиллагааны байгууллагын (ШХАБ) гишүүн орнуудын Гадаад хэргийн сайд нарын зөвлөлийн хуралдаанд оролцсон. Эл үеэр Арагчи Киргизийн гадаад хэргийн сайд Жээнбек Кулубаевтай уулзахдаа хоёр орны хамтын ажиллагааны тухай сэтгүүлчдэд мэдэгдсэн юм.

Тухайн мэдэгдэлд дурдсанаар, хоёр орон хамтран Евразийн эдийн засгийн холбооны чадавхыг ашиглаж болох юм. Мөн Иран, Киргизийн эдийн засгийн хамтарсан комиссын 14 дүгээр хуралдааны үеэр тохиролцсон хэлэлцээрүүд биеллээ олно гэдэгт Арагчи найдаж буйгаа илэрхийлжээ. Уулзалтын үеэр Киргизийн гадаад хэргийн сайд мөн хоёр орны тохиролцсон хэлэлцээрийг хэрэгжүүлэх, харилцааг хөгжүүлэхэд анхаарч ажиллахад бэлэн байгаагаа мэдэгдэв. Мөн Ираны гадаад хэргийн сайдыг Бишкект урьсанд Арагчи урилгыг таатай хүлээн авчээ. Энэ оны есдүгээр сард ШХАБ-ын уулзалт болох бөгөөд Хятад, Энэтхэг, Орос, Пакистан, Казахстан, Киргизстан, Тажикстан, Узбекистан, Иран нь гишүүн юм. Харин Афганистан, Беларусь, Монгол зэрэг орнууд ажиглагч орны үүргийг гүйцэтгэдэг билээ.