Тулгар төрийн 2234 жил, Их Монгол Улсын 819 жил, Үндэсний эрх чөлөө, тусгаар тогтнолоо сэргээн мандуулсны 114, Ардын хувьсгалын 104 жилийн ой, Ардчилсан хувьсгалын 35 жилийн ойн Үндэсний их баяр наадам үргэлжилж байна.

Хүй долоон худагт /2025.07.12/ соёолон насны уралдаан 363 хурдан хүлэг бүртгүүлснээс 195 хурдан буян гарааны зурвасаас шандсаа сорилоо. Үндэсний баяр наадмын зохион байгуулах комисоос соёолон насны бай шагналыг танилцууллаа. Дурдвал, Ховд аймгийн Мянгад сумын уяач З.Мэндсайханы хул соёолон түрүү магнайд хурдаллаа Хэнтий аймгийн Норовлин сумын уяач Н.Мөнхийн бор хүрэн аман хүзүүд орлоо Говь-Алтай аймгийн Эрдэнэ сумын Б.Гантулгын хээр морь гуравт хурдаллаа Сүхбаатар аймгийн Баяндэлгэр сумын уяач Д.Аваасүрэнгийн хээр халзан дөрөвт хурдаллаа Сүхбаатар аймгийн Баяндэлгэр сумын уяач Б.Баярмагнай бор зуузай тавт хурдалж наадамчин олныг цэнгүүллээ.

А.ТАМИР