Хятадын сөнөөгч онгоц Японы онгоцтой хэт ойртож нисчээ

Хятадын сөнөөгч онгоц Зүүн Хятадын тэнгис дэх олон улсын усан дээгүүр Японы агаарын өөрийгөө хамгаалах хүчний нисэх онгоцтой удаа дараалан хэт ойртож ниссэнийг Токио Пүрэв гаригт мэдэгджээ.

Тодруулбал, Лхагва гаригт Хятадын "JH-7" сөнөөгч бөмбөгдөгч онгоц болон Японы "YS-11EB" цахим тагнуулын нисэх онгоцнууд 70 метр зайд 15 минутын турш ойртсон байна. Үүний дараа Японы засгийн газар ноцтой санаа зовж буйгаа илэрхийлээд, урьдчилан сэргийлэх арга хэмжээ авахыг уриалав. Дараа нь Пүрэв гаригийн өглөө мөн 10 минутын турш Японы тагнуулын онгоцонд ойртож очжээ.

Энэ мэт үйлдэл нь санамсаргүй мөргөлдөөн үүсгэж болзошгүйг Японы тал анхааруулав.

Зургадугаар сард ч бас Хятадын сөнөөгч онгоц Японы онгоцтой ойртож очсон тохиолдол гарчээ. Тодруулбал, Хятадын Шаньдун нисэх онгоц тээгч "J-15" сөнөөгч онгоц өнгөрсөн сарын 7, 8-ны өдрүүдэд Номхон далайн задгай тэнгисийн дээгүүр Японы "P-3C" ажиглалтын нисэх онгоц руу 45 метрийн зайд ойртсон байна.

ЭХ СУРВАЛЖ: JAPAN TODAY

8 сэтгэгдэл

Хариулахаа болих

чойжоо 8 минутын өмнө 88.125.82.223

энэ тайлбар нэг л бишээ. тагнуулын онгоц гэнэ юу тагнаж яваа юм яагаад тагнаж бгаа юм гэсэн асуулт гарна .олон улсын хил юм бол хэний ч онгоц нисэж болох юм бишүү. бас онгоц ойртлоо гэнэ. тэр ойртсон онгоцноос өөрөө яагаад холдож болохгүй гэж .. би хятад тал ч биш японы тал ч биш шүү. зүгээр л яагаад нэг талаа буруутгаад бгаа нь ойлгомжгүй бна л даа

Хариулах

Нэргүй 6 цагийн өмнө 47.227.179.89

тагнуулын онгоцонд ойртож очих нь зөв.Одоо тэр хуучны дундын бүс олон улсын бүс гэдэг утгаа алдсан, тиймч учираас Оросууд НАТО, АНУын тагнуулын онгоцыг яажич чадахгүй нөгөөдүүл нь бүх мэдээллийг Украйны армид өгөөд маш их хохирол амссан.Одоо хэн хүчтэй нь өөрийн цэргийн нууцыг хүчээр хамгаалах л үлдлээ!