Францын Страсбург хотноо болж буй Европын парламентын чуулганы нэгдсэн хуралдааны үеэр /2025.07.10/ Европын комиссын ерөнхийлөгч Урсула фон дер Лейенд итгэл үзүүлэх эсэх талаар санал хураалт явуулах болжээ. Гэвч Европын холбооны хууль тогтоогчдын дийлэнх нь түүний эсрэг санал хураалт явуулахаас татгалзсан тул Урсула фон дер Лейен аюулгүй үлдэж чадлаа.

Түүнийг Covid-19 цар тахлын үед акцин үйлдвэрлэгч "Pfizer" компанийн гүйцэтгэх захиралтай хувийн шугамаар харилцсан, Европын холбооны санхүүжилтыг буруугаар ашигласан, Герман, Румын дахь сонгуульд хөндлөнгөөс оролцсон гэх мэт олон шалтгаанаар буруутгаж байсан юм.

Эсрэг санал хураалт явуулахыг 360 хүн зөвшөөрөөгүй бол 175 хүн дэмжжээ. Харин 18 хууль тогтоогч түдгэлзсэн байна.

Фон дер Лейен энэ талаар мэдээлэхдээ "Гадаад хүчин биднийг тогтворгүй болгож, хагалан бутаргах гэж оролдож байгаа тул үнэт зүйлсийнхээ дагуу хариу үйлдэл үзүүлэх нь бидний үүрэг юм. Баярлалаа, Европ урт удаан наслах болтугай" гэж бичжээ.

Санал хураалтын өмнөхөн Унгарын ерөнхий сайд Виктор Орбан "Энэ бол үнэний мөч байх болно. Нэг талд Брюссель дэх эзэн хааны элит, нөгөө талд эх орончид, эрүүл саруул ухаан байх болно. Үүнээс гарах гарцгүй, сонголтоо хийх нь чухал. Хатагтай ерөнхийлөгч өө, манлайллын мөн чанар бол хариуцлага. Таны явах цаг болжээ" гэж мэдэгджээ.