ОХУ-ын арми Пүрэв гаригийн үүрээр Киев тэргүүтэй хотууд руу 18 пуужин, 400 орчим нисгэгчгүй онгоцоор халджээ. Халдлагын улмаас хоёр хүн амиа алдаж, 16 хүн шархдав.

Мөн нисгэгчгүй онгоцны хэлтэрхий орон сууцны барилгын дээвэр рүү унаж, хот даяар түймэр гарчээ. Орон сууцны барилга, тээврийн хэрэгсэл, агуулах, оффис болон орон сууцны бус барилгууд хаа сайгүй шатаж буйг эрх баригчид мэдээлэв. Киев хотын Подильский дүүрэгт эрүүл мэндийн анхан шатны тусламж үйлчилгээний төв бараг бүрэн сүйрсэн байна.

НҮБ-аас мэдээлснээр, зургадугаар сард Украинд 232 хүн амиа алдаж, 1343 хүн шархадсан байна. Энэ нь дайн эхэлснээс хойш энгийн номхон иргэд хамгийн олноороо амиа алдсан тохиолдол юм.

ОХУ өмнөх өдөр нь 728 нисгэгчгүй онгоц, 13 далавчит болон баллистик пуужингаар Украинд цохилт өгч, дээд "амжилт" тогтоосон билээ. Украин дахь НҮБ-ын Хүний эрхийн хяналтын комиссын мэдээлснээр ОХУ энэ зургадугаар сард өнгөрсөн оны мөн үетэй харьцуулахад 10 дахин их хэмжээтэй халдлага үйлджээ.