Түүхэн болон соёлын шинжилгээнд тулгуурласан олон улсын шинэ судалгаагаар Монгол Улс янз бүрийн төрлийн донтолтод өртөх магадлал хамгийн бага таван улсын нэгээр нэрлэгдсэн тухай mongolnews24.com цахим хуудсан дээр нийтлэгджээ.

Судалгаанд ашигласан эх сурвалжууд:

• Сэтгэцэд нөлөөтэй бодисын хэрэглээ болон мөрийтэй тоглоомын талаарх түүхэн тойм;
• Дэлхийн Эрүүл Мэндийн Байгууллага (WHO), Сэтгэцийн эрүүл мэндийн судалгаа, "Our World in Data" цахим эх сурвалжуудын статистик мэдээлэл;
• Үндэсний уламжлал, нийгмийн зан төлвийг харуулсан соёлын болон аналитик эх сурвалжууд;
• Донтолтын нийгмийн нөлөөллийг харьцуулсан үнэлгээ;

Тогтвортой байдлыг тодорхойлогч хүчин зүйлс

Судалгааны үр дүнгээс харахад донтолтод өртөх эрсдэл хамгийн бага улсуудын жагсаалтад Монгол, Япон, Энэтхэг, БНСУ болон Финланд багтжээ. Энэ үр дүн зүгээр нэг санамсаргүй зүйл биш. Эдгээр улсуудын нийгэм тус бүр нь соёл, түүх, шашны хүчин зүйлсээр төлөвшсөн өөрийгөө хянах чадвар, хариуцлагаа ухамсарлах гүн гүнзгий уламжлалтай аж.

Монголчууд эртнээсээ сул дорой байдалд хүлцэнгүй ханддаг, хатуу ширүүн нөхцөлд амьдарч ирсэн ард түмэн. Нүүдлийн амьдрал тэсвэр тэвчээр, саруул ухаан, дэг журам, өөрийгөө бүрэн хянах чадварыг шаарддаг билээ. Тал нутагт амьд үлдэх нь азаар биш, харин зан чанар, хүний төлөвшлөөр шийдэгддэг байлаа.

Үүний үр дүнд монголчууд сэтгэл хөдлөл, үйл хөдлөлөө хянах, дуртай уух зүйл, тоглоом, хоббигоо донтолтгүйгээр эдлэх чадвартай болсон гэлтэй.

Нийгэм, сэтгэлзүйн онцлог

Судлаачид монголчуудыг ерөнхийдөө өндөр түвшний өөрийгөө хянах чадвар, аналитик сэтгэлгээтэй болохыг ажигласан гэнэ. Эдгээр чанар нь гадны хүчин зүйлсийн (зар сурталчилгаа, манипуляци, суртал ухуулга, моод гэх мэт) нөлөөг бууруулдаг. Харин эдгээр хүчин зүйл нь бусад улсад донтолтыг улам ихээр дэлгэрүүлэхэд нөлөөлдөг ажээ.

Судалгаанд дурдсанаар, төвлөрсөн, социалист хэв маяг давамгайлж ирсэн нийгмүүдэд цаг хугацааны явцад идэвхгүй зан үйлийн загвар төлөвшиж, энэ нь хувь хүний хариуцлагын мэдрэмжийг сулруулж, донтолт үүсэх эрсдэлийг нэмэгдүүлдэг байна. Харин Монголын хувьд бие даасан сэтгэлгээ, байдал хэвээр хадгалагдсаар ирсэн нь үндэстний сэтгэлзүйн дархлааг бэхжүүлэх нэг чухал хүчин зүйл болжээ.